«Насаф» клуби бош мураббийи Рўзиқул Бердиев ОФК Кубоги 2-тури доирасида «Хўжанд»га қарши кечган ўйиндан (3:0) кейин ўз фикрлари билан ўртоқлашди. Бу ҳақда «Championat.asia» хабар қилмоқда.
Яхши ўйин бўлди. Биз ҳаммасини назорат қилдик ва тўпни ҳам жуда яхши сақлай олдик. Рақибни кучли ва кучсиз томонларини яхши билардик, энг муҳими эса биз ўйиндаги ҳисобни назорат қила олдик ва ушбу ғалабага эришдик. Ўйлашимча, бу ҳисоб ўйинга мос бўлди.Ҳусниддин Алиқуловнинг ўнг қанот ҳимоясида ўйнагани ҳақида
Биринчидан, Алиқулов олдинги учрашувда захирадан тушиб ўйинга яхши қўшилиб кетди ва гол ҳам урганди. Иккинчидан, ўша иккита ўнг қанот ҳимоячиларимиз биз кутган ўйинни намойиш этмаганди. Шу сабаб бугун Алиқуловга имконият бердик. Ҳусниддинда ўнг қанот ҳимоячиси бўлиб ўйнаш учун керакли жиҳатлар бор, шу сабаб уни ишонч билан ўша жойга қўйдик ва бу ўзини оқлади. Қўшимча қиламан, биласиз Алиқулов бош билан жуда яхши ўйнайди. Шу сабаб стандарт вазиятларда устунликка эришишни мақсад қилиб ҳам уни асосий таркибга киритдик. Ҳимояда ҳам, ҳужумда ҳам стандартларда у яхши ҳаракат қилади.
Ҳимоянинг аввалги ўйиндан яхшироқ экани борасида
Биз ҳар бир жамоага алоҳида тайёрланамиз. Агар биринчи ўйинни оладиган бўлсак, рақибда битта вазият юзага келганди. Ёдингизда бўлса африкалик легионерда имконият бўлганди. Ўшанда ҳам ҳимояда бироз омадсиз ўйин кўрсатгандик. Бу учрашувда ҳам ҳисоб 1:0 бўлиб турганда рақибнинг 7-рақамдаги ҳужумчиси бош билан зарба бера олди. Дарвозабонимиз қутқарди ўша вазиятда. Кўриб турганингиздек, ҳимояда хатоларимиз бор, буни тўғрилашимиз керак. Ҳимоячиларга доим диққатни йўқотмасликни, ҳимояда ишончли ҳаракат қилиб нолга ўйнаш кераклигини таъкидлайман. Хатолар бўлди, аммо менимча бу ўйинда улар ўз вазифасини бажарди.
Голларнинг барчаси биринчи бўлимда урилгани ҳақида
Биринчи ўйинда биринчи голни уриб олишга қийналган эдик. Бир бўлим сифатли ҳужум ташкил эта олмагандик. Бу учрашувда бошида гол уриб олганимиздан кейин беллашув бошқача кўриниш олди. Олдин ҳам айтгандим, биринчи учрашувда балки бироз ҳаяжон бор эди. Мазкур баҳсда эса ўша жиҳатни тўғрилай олдик. Йигитлар руҳий томонлама жуда яхши тайёрланган эди. Бу бизга устунлик берган жиҳатлардан бири бўлди.
Рўзиқул Бердиев, «Насаф» бош мураббийи
«Хўжанд» — «Насаф» ўйинида урилган голларни бу ерда кўриш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)