Тональ крем юздаги камчиликларни яшириш билан бирга, уни қуритмаслиги, озиқлантириши керак. Қайси воситани танлашни билмаётганлар учун қуйидаги тавсиялар айни муддао.
Maybelline’дан Better Skin
Maybelline томонидан тақдим қилинган мазкур тональ крем юздаги ҳатто энг кўзга ташланадиган камчиликларни ҳам яшириш хусусиятига эга экани билан ўзига хос. Ёқимли ҳидга эга мазкур воситани чўткасиз қўл билан суртса ҳам бўлади.
Revlon’дан Colorstay
Revlon тақдим қилган Colorstay кун давомида туриши ва кийимларга юқмаслиги билан ўзига хос.
Holika Holika’дан Petit BB Shimmering BB-крем
Юзига ниқоб тақиб олгандек кўринишни истамайдиган, аммо қизаришларни яшириб, табиий ялтироқ ва тиниқ бўлиб туришини истовчилар учун мазкур крем айни муддао.
Max Factor’дан Facefinity All Day Flawless
Facefinity All Day Flawless суртилганидан кейин тери табиий, бироз упа суртгандек кўринади. Кўзга ташланадиган камчиликлар билан яхши самара бермагани билан майдаларини яхши беркитади. Ҳиди бор тональ кремни ёқтирмаганларга ушбу вариантдан фойдаланиш тавсия қилинади.
Pupa’дан Like a Doll!
Суюқ ҳолда бўлгани сабаб махсус пипетка (томизгич) ёрдамида ишлатиладиган тональ крем тери рангини чиройли кўрсатади ва макияжнинг омадли чиқишига ҳисса қўшади.
L’Oreal Paris’дан Nude Magique Eau De Teint
Бўянмагандек макияж қилишни истовчилар учун Nude Magique Eau De Teint’дан яхшиси йўқ. Терига осон суртиладиган восита камчиликларни кўзга ташланмаслигига сабаб бўлади. Бунинг учун унинг бир неча томчиси кифоя қилади.
NYX’дан Stay Matte But Not Flat
Фойдалангандан кейин юзни ялтиратиб қўймайдиган, шу билан бирга ниқоб тақиб олгандек тасаввурга сабаб бўлмайди. Крем, шунингдек, намлантирувчи хусусиятга эга экани ва минералларга бойлиги сабаб ҳам ўзига хос.
Essence’дан Pure Nude
Essence, nude услубида макияж қилишни ёқтирадиганлар учун яна бир бошқа яхши вариант. У терини намлантиради ва табиий кўрсатади.
Sephora’дан Teint Infusion
Teint Infusion теридаги муаммоларни яшириб, намлантиради. Мазкур тональ крем баҳор ва ёзги макияж учун айни муддао.
Touch in SOL’дан Flawless Skin Top Coat
Кореялик ишлаб чиқарувчилар томонидан тақдим қилинган яна бир ўзига хос косметик восита тональ кремдан ташқари праймер ва упа ўрнини ҳам босади. У нафақат юзни тиниқ кўрсатади, балки таркибида анор, женьшень ва наъматак экстракти бўлгани сабаб ҳам терини озиқлантиради.
Изоҳ (0)