Ўз фаолияти билан танилган шахсларнинг мода саноатида фаолият бошлаган фарзандлари ҳақида маълумот бериб ўтамиз.
Дева Кассель
Моника Беллуччи ва Венсан Касселнинг 16 ёшли қизи Дева ҳам онаси сингари мода оламида ўзини синаб кўришни афзал билган. Dolce & Gabbana билан ҳамкорлик қилишни бошлаган қиз баҳорда илк реклама кампаниясида суратга тушган. Шунингдек, Деванинг сурати француз журналининг муқовасини ҳам безаган.
Лила Грейс Мосс
Модель Кейт Мосс ва Жефферсон Хекнинг қизи ҳам касб борасида онасининг изидан кетган. 18 ёшли соҳибжамол Marc Jacobs Beauty ва журнал муқоваси учун суратга тушган.
Майя Хоук
22 ёшли Майя Хоук актриса Ума Турман ва актёр Итан Хоукнинг қизи. Бир вақтнинг ўзида актриса ва модель сифатида карьера қилишни бошлаган қиз сериаллардаги роли ва Calvin Klein ҳамда Zac Posen’нинг рекламаларидаги сурати билан мухлислар меҳрига сазовор бўлган.
Лукас Портман
Наталья Водянова ва Британия лорди Жастин Портманнинг 18 ёшли ўғли Лукас ҳам Париждаги мода ҳафталигида модель сифатида чиқиш қилган. Balmain коллекциясининг намойишида иштирок этган Лукас онаси билан журнал муқоваси учун ҳам суратга тушган.
София, Систин ва Скарлет Сталлоне
Актёр Сильвестр Сталлоненинг биринчи турмушидан дунёга келган уч нафар қизи ҳам ижтимоий тармоқларда машҳурликка эришиб улгурган. Мода оламида карьера қилишни истайдиган қизларнинг сурати бир нечта фэшн-журналлар муқовасини безаган.
Айрис, Руди ва Рафферти Лоу
Жуд Лоу ва Седи Фростнинг фарзандлари ҳам ўзларини мода оламида кўришни истаган. 20 ёшлиАйрис Fendi ва Burberry Beauty рекламаларида суратга тушган, 24 ёшли Рафферти эса DKNY ва Dolce&Gabbana’нинг мода чиқишларида иштирок этган. 18 ёшли Руди эса мода саноатидаги фаолиятни бошлаганига кўп бўлмаган.
Ева Жобс
Стив Жобснинг 22 ёшли қизи Ева Жобс модель сифатида карьера бошлаганини эълон қилганига кўп бўлмади. У Glossier косметик брендининг рекламасида суратга тушган.
Изоҳ (0)