Кунлар исишни бошлаши билан қиз ва аёллар очиқ пойабзал, яъни босоножка кияди, ўзига бўлган ишончни юқори бўлиши ва эстетик завқ бериши учун эса педикюр қилдиришга тўғри келади. Бунинг учун мутахассисга мурожаат қилганда эса фойдаланадиган буюмларининг тозалиги ва бир марталик ёки йўқлигидан ташқари қуйидагиларга қараб ҳам унинг қанчалик малакали экани ҳақида хулоса қилади.
Иш жойи
Мутахассиснинг иш жойи тоза ва озода эканига эътибор қаратинг. Атрофда тартибсизлик ва аввалги мижоздан из қолган бўлмаслиги керак. Педикюр устасининг бир марталик ниқоб ва қўлқоп кийгани ҳамда тирноқ ва оёқларингизни антисептик билан тозалаганига эътибор қаратинг.
Ванна қабул қилиш
Оёқларни сувга ивитишда мутахассис бир марталик пакетдан фойдаланиши керак. Аксинча бўлса, бошқа педикюк устасига мурожаат қилганингиз яхши.
Манипуляция қилиш
Мутахассис сизга гап бермай нимадирлар ҳақида тинмай гапирса, уни тўхтатиб нима қилмоқчи эканлиги ҳақида сўранг. Яхши мутахассис иш бошлашдан аввал сиз қандай педикюрхоҳлаётганингиз ҳақида қизиқиши, лозим бўлса классик, аппаратли ва комбинацияпедикюр қилиш ҳақида тавсия бериши керак. Қолаверса, қадоқ бор ёки йўқлигига эътибор бериб, пойабзал кийганда ноқулайлик келиб чиқмаслиги ҳақида ҳам сўраши лозим.
Тирноқларни пилкалаш
Тирноқларга шакл беришдан аввал сувга ивитиш энг катта хатолардан бири ҳисобланади. Бу тирноқлар пластинасига зарар етказиши мумкинлиги сабаб ҳам қуруқ пайтида пилкалаш керак. Тирноқнинг узунлиги ва шакли меъёрга келтирилганидан кейингина ивитиш мумкин. Агар бунинг тескариси бўлса, мутахассисга танбеҳ беришни унутманг.
Тирноқларга қандай шакл бериш?
Оёқлар педикюри ҳақида гап кетганда тирноқларга квадрат ва номига квадрат шакл берилгани яхши. Чунки думалоқ шаклнинг берилиши тирноқларнинг ичига ўсиши ва муаммолар келиб чиқишига сабаб бўлиши мумкин.
Гел-лакни ўчириш
Эски гел-лакни кетказишнинг энг хавфсиз усули аппарат ёрдамида ўчириш ҳисобланади. Аммо кўпчилик бу усул тирноқ пластинасига зарар етказади деб ҳисоблайди. Аслида эса малакасиз мутахассисгина бунга йўл қўйиши мумкин. Аппаратли ўчириш жараёнида мутахассис ҳеч қачон базани бутунлар олиб ташламаслиги керак. Таркибида тирноқларни шикастлаши мумкин бўлган асетон борлиги сабаб эса гел-лакни ўчириш учун суюқликдан фойдаланиш тавсия қилинмайди.
Муаммога қарамай педикюр қилишга рози бўлиш
Тирноқлар ичига ўсган бўлса ёки бошқа бир муаммо кузатиладиган бўлса исталган мутахассиснинг педикюр қилишдан воз кечиши асосли бўлади. Подологга мурожаат қилиб даволангандан кейин педикюр қилдирса бўлади.
Тирноқларнинг нотўғри безалиши
Малакали мутахассис ҳеч қачон тирноқларни гел-лек билан терига тақаб қопламайди, ингичка шу билан бирга кўзга ташланмайдиган очиқ жой қолдиради. Акс ҳолда икки ҳафтадан кейин мижоз оёғида ноқулайлик ва оғриқни ҳис қилиш мумкин.
Изоҳ (0)