Болливуд юлдузлари стрессни қандай енгиши ҳақида сўзлаб берди (фото)

Ҳинд актёр ва актрисалари асабийлашганда ва бирор нимадан ташвишланганда қандай йўл тутиши ҳақида маълумот бериб ўтамиз.

Приянка Чопра

Болливуд юлдузи чарчаганда ва ўзини ёмон ҳис қилганда тинчланиш, фикрларини жамлаш ҳамда миясидаги кераксиз ўй-хаёлларни чиқариб ташлаш учун ўзига бироз вақт бериши, шунингдек, пишлоқли гамбургер ҳам унга стрессни енгишга ёрдам беришини таъкидлаган.

Ранвир Сингҳ

Ранвир уни нимадир безовта қилганда видеоўйинлар ўйнашни, фитнесс-тренер Жарет Гроссманнинг мотивацион нутқини тинглашни яхши кўради. «Бундан ташқари, отам билан суҳбатлашиш мени ҳамиша тонусда бўлишимга сабабчи бўлади», — дейди у.

Шраддҳа Капур

Шраддҳанинг кайфиятини Шайло лақабли ити кўтаради. «У менинг антистрессим. Шунингдек, мусиқа, айниқса, Coldplay гуруҳининг Paradise, Yellow ва Trouble қўшиқларини тинглаш ҳамда китоб ўқиб, фильм томоша қилишни яхши кўраман. Буларнинг бари жуда ҳам яхши самара беради», — деган у.

Сону Суд

«Машғулот зали ва қора терга ботгунча машқ қилиш стрессдан халос бўлишга ёрдам беради. Қолаверса, севимли мусиқа, рафиқам ва яқинларим ҳам ижобий таъсир қилади».

Аюшман Кхурана

Аюшмага стрессдан қутулишга мусиқа, таом ва уйқу ёрдам беради. «Мен учун булар бахт манбаи», — деган у.

Анил Капур

«Рафиқам менинг асосий антидепрессантим. Спорт билан шуғулланиш, дўстларим, яхши лойиҳалар устида ишлаш ҳам стресс билан курашишга ёрдам беради», — деган у.

Эми Жексон

«Машқ бажариш адреналиним кўпайиши ва хаёлларимни жамлашга ёрдам беради. Шунингдек, уй ҳайвонларим — ит, мушук ва отларим, қолаверса, онам билан самимий суҳбатлашиш ҳам тинчланишимга ёрдам беради».

Неҳа Дҳупия

Неҳа эса стресс вақтида телефонини ўчириб, югуришга чиқади ёки сузиш билан шуғулланади. Бундан ташқари, стресс манбаи бўлган телефон уни безовта қилмаслиги сабаб ҳам узоқ парвозларни яхши кўришини таъкидлайди.