Болливуд юлдузлари орасида бир-бирига қариндош бўлган актёрлар талайгина. Қолаверса, улар биргаликда бош ролларни ҳам ижро этган.
Кумарлар: Ашок, Ануп ва Кишор
Кишор, Ашок ва Ануп Кумарлар Мукержилар сулоласига мансуб. Ҳинд кино санъати тарихида илк бора биргаликда роль ижро этган биродарлар. Улар иштирокидаги «Машинани бошқаради» комедияси ҳанузгача Болливуд классикаси ҳисобланади.
Деоллар: Санни ва Бобби
Ака-ука Деоллар биринчи марта «Улар бир-бирини ёқтиради» фильмида биргаликда роль ижро этган. Бош ролда Бобби гавдаланган. Кейинчалик бошқа лойиҳаларда ҳам биргаликда иштирок этган.
Хонлар: Салмон, Арбаз ва Саҳил
«Севгидан қўрқмаслик керак» фильми Салмон ва Арбаз билан суратга олинган илк картиналардан бири. Ушбу романтик мелодрама уларнинг укаси Саҳил томонидан суратга олинган. Лойиҳа шу қадар муваффақиятли бўлганки, ҳаттоки Filmfare номинациясига ҳам номзод бўлган. Бундан илҳомланган Саҳил келаси йили «Кўринмас акадан салом» комедиясини суратга олган. Аммо картина тескари натижага эришган.
Хонлар: Амир ва Файзал
Ака-ука Хонлар Дҳармеш Даршаннинг «Мела» номли омадсиз лойиҳасида иштирок этишига қарамай, актёрлар мухлислар ёдида қолган.
Мукержилар: Кажол ва Рани
Амакивачча Кажол ва Рани «Ҳаётда ҳамма нарса бўлади» картинасида биргаликда роль ижро этган ва фильм энг таниқли мелодрамага айланган.
Капурлар: Адитя Рой ва Кунал
«Бу телба ёшлик» фильмида ака-ука биргаликда роль ижро этган. Аммо кўпчилик буни сезмагани аниқ.
Шеттилар: Шилпа ва Шамита
2000 йилларнинг энг яхши картиналарнинг бири «Эҳтирос оловида» фильмида опа-сингил Шилпа ва Шамита иштирок этган.
Капурлар: Шаҳид ва Сана
«Муҳташам» комедияси Капурлар оиласи учун алоҳида ўринга эга. Ушбу фильмда сулоладан уч вакил иштирок этган. Ота Панкаж Капур, ўғли Шаҳид ва қизи Сана. Бу биргаликдаги дебют фильм эди.
Изоҳ (0)