Нафақат Россия, балки дунё бўйлаб томошабинлар кўнглини забт эта олган гуруҳлар тақдири қандай кечгани, албатта, кўпчилик учун қизиқ. Қуйида улар ҳақида қисқача маълумотга эга бўлиш мумкин.
«A’Studio»
«A’Studio» гуруҳи тарихи икки даврга бўлинади. 2000 йилларда гуруҳни дастлаб Ботирхон Шукенов тарк этган.
Унинг ўрнини Полина Гриффис эгаллади. Орадан вақт ўтиб, мафтункорликда ундан қолишмайдиган Кетти Топурия гуруҳ аъзосига айланди.
Гуруҳга қўшилган янги овоз мухлисларни қувонтирди. Жамоа шундан сўнг 6 та альбом ёзди, 17 та расмий тарона ва 22 та тўлиқ клип суратга олди.
«Корни»
2000 йилларда кўпчилик муҳаббат қайси қаватда яшашини билар эди. «Корни» гуруҳи эса «Юлдузлар фабрикаси»нинг биринчи ғолибига айланди. Улар чиндан ҳам муваффақиятга эришиш учун меҳнат қилди.
Уларнинг тезкор равишда суратга олган уч клипи ҳам машҳурликка эришган. Шундан сўнг ижодий сафарлар, концерт дастурлар ва ҳаттоки «Биргаликда бахтли» сериалида суратга ҳам тушган.
Бир неча йиллик шов-шувдан сўнг улар аста-секин машҳурлик чўққисидан туша бошлади.
Дастлабки таркиб 8 йил фаолият юритди. Сўнгра Александр Бердников, Алексей Кабанов ва Дмитрий Покуличев янги гуруҳни ташкил этди.
«ТАТУ»
Ёш ҳамда истеъдодли қизлар кутилмаганда машҳурликка эришди. «ТАТУ» гуруҳи фаолиятини шу тарзда бошлади.
Муваффақият тўлқини остида «Евровидения»да иштирок этган қизлар 3-ўринни эгаллади.
Гуруҳ продюсери Иван Шаполов ишдан кетганидан сўнг қизлар ижодда сусая бошлади. 2014 йилда эса улар гуруҳдан ажралган ҳолда ўз карьерасини қуришга қарор қилди.
«Банд’Эрос»
2005 йил гуруҳ аъзолари учун унутилмас бўлди. Икки йигит ва қизлардан ташкил топган гуруҳ чинакамига рус саҳнасида машҳурликка эришган эди. Айни пайтда квартет триога айланган ва аввалги аъзолардан фақатгина Наталя Ибадин қолган.
«Ранетки»
2007 йилда барча қизларнинг соч турмаги «Ранетки» гуруҳи аъзолариники каби эди. Гуруҳ чиндан ҳам ёшларнинг севимлисига айланган. «Ранетки» 2017 йилгача ҳам мавжуд эди. Улар мухлислар билан «Биз вақтни йўқотдик» треки билан хайрлашди. Бу эса Россиядаги аёллардан ташкил топган рок гуруҳининг якунланганидан дарак беради.
Изоҳ (0)