Футбол бўйича Италия А Сериясининг 37-туридан ўрин олган ўйинда «Ювентус» ва «Интер» 15 май, шанба куни ўзаро баҳс юритди.
Туринда ўтган баҳсда 26-дақиқада ҳисоб очилди. Криштиану Роналдунинг 11 метрлик жарима зарбасидан тепган тўпини «Интер» дарвозабони бартараф этди, аммо қайтган тўпни португалиялик футболчининг ўзи дарвозага жойлаб қўйди. 35-дақиқада «Ювентус» дарвозасига ҳам пенальти белгиланди. Пенальтини Ромелу Лукаку муваффақиятли амалга оширди. Биринчи бўлимга қўшиб берилган дақиқаларда Хуан Куадрадо узоқ масофадан зарба йўллаб, чиройли гол муаллифига айланди.
Иккинчи бўлимнинг сўнгида Жоржо Кьеллини ўз дарвозасини ишғол этиб қўйганди. Аммо 88-дақиқада Куадрадо пенальтини аниқ амалга ошириб, жамоасига ғалаба келтирди.
Ушбу ғалабадан кейин «Ювентус»нинг очколари 75 тага етди ва Чемпионлар Лигаси йўлланмасини қўлга киритиш имкониятини сақлаб қолди. «Интер» эса муддатидан олдин чемпионликни қўлга киритиб бўлган.
А Серия
37-тур баҳси
15 май, шанба
«Ювентус» — «Интер» 3:2
Голлар: 1:0 – 24 Роналду, 1:1 – 35, пенальти Лукаку, 2:1 – 45 Куадрадо, 2:2 – 83, автогол Кьеллини, 3:2 – 88, пенальти Куадрадо.«Ювентус»: Шченсни, Данило, Алекс Сандро, Кьеллини, де Лигт, Рабьо, Куадрадо, Кулусевски (Маккенни, 58), Бентанкур, Кьеза (Демирал, 70), Роналду (Мората, 70).
«Интер»: Ҳанданович, Ҳакими, Шкриньяр, Бастони (Весино, 80), Дармиан (Перишич, 46), Эриксен (Сенси, 73), Барелла, Брозович, де Врей, Мартинес, Лукаку.
Огоҳлантиришлар: Кулусевски (13), Бентанкур (20), Дармиан (23), Мартинес (74), Бастони (77), Кьеллини (85), Брозович (88), Куадрадо (90).
Четлатишлар: Бентанкур (55), Брозович (90).
Изоҳ (0)