Tesla компанияси раҳбари Илон Маск Saturday Night Live телешоусида суратга тушиш учун Нью-Йоркка Cybertruck пикапининг прототипида келди, деб хабар беради CARakoom.
YouTube’даги All Guides каналида эълон қилинган видеода пикап нафақат экспонат сифатида, балки умумий фойдаланишдаги йўлларда ҳаракатлангани ҳам тасвирланган.
Кўпчиликда қизиқиш уйғотган Cybertruck’ни томоша қилишга бренднинг ўнлаб мухлислари йиғилган. Илон Маск Нью-Йоркка пикапда келишини олдинроқ Twitter орқали маълум қилганди. Шоу-румдаги кадрлардан кўриш мумкинки, автомобиль одамлар фонида нақадар катта эканлигини кўриш мумкин. Бироқ йўлларда оддий енгил машиналар билан ҳаракатлангани унинг ўлчами янада ҳайбатли кўринади.
Маълумот учун, Cybertruck пикапининг эни икки метрдан ошади, юк платформасининг ўлчами ҳам тахминан шунча. Машина бир нечта электромоторлар ёрдамида ҳаракатга келади. Машина турли батареяларга эга бир, икки ёки уч моторли вариантларда таклиф этилади. Танланган агрегатга қараб пикап соатига 96 километр тезликка 2,9—6,5 сонияда эриша олади. Бир марта қувватланиш орқали эса 402—805 километр йўл босиши мумкин.
Эслатиб ўтамиз, Маск футуристик дизайнга эга пикап рулида бир неча бор кўриниш берган. Масалан, 2020 йилнинг майида Маск Cybertruck пикапида ерости туннели бўйлаб сайр қилганди. 2021 йилнинг апрель ўрталарида эса Техасда қурилаётган Tesla заводига Cybertruck’да келган эди.
Изоҳ (0)