Футбол бўйича Италия А Сериясининг 36-туридан ўрин олган бир қатор ўйинлар 12 май, чоршанба куни бўлиб ўтди.
«Женоа» «Болонья» майдонига сафар қилди ва 2:0 ҳисобида ғалаба қозонди. Генуяликларнинг голларига Давиде Заппакоста Жанлука Скамакка муаллифлик қилди. «Женоа» сафида тўп сурадиган Элдор Шомуродов мазкур баҳсда тўлиқ 90 дақиқа ҳаракат қилди. Ушбу ғалабадан кейин «Женоа»нинг очколари 39 тага етди, жамоа мусобақа жадвалида 14-ўринда бормоқда.
«Ювентус» «Сассуоло» билан баҳс юритиб, Адриен Рабьо, Криштиану Роналду ва Пауло Дибаланинг голлари эвазига ғалаба қозонди. Мезбонлардан Жакомо Распадори ўз номини таблога ёздириб қўйди.
«Милан» сафарда «Торино» дарвозасига жавобсиз 7 та гол урди. Голларга Тео Эрнандес (дубль), Франк Кессиэ, Браим Диас ва Анте Ребич (ҳет-трик) муаллифлик қилди.
«Интер» эса ўз майдонида «Рома»дан устун келди. Миланликлар сафида Марсело Брозович, Матиас Весино ва Ромелу Лукаку гол урган бўлса, «Рома»нинг жавоб голига Генрих Мхитарян муаллифлик қилди.
36-турдан кейин «Ювентус»ни Чемпионлар Лигасидан бир очко ажратиб турибди. Мавсум якунланишига икки тур қолган. «Женоа» эса ўзи учун кейинги мавсум ҳам А Серияда иштирок этиш ҳуқуқини кафолатлади.
А Серия
36-тур баҳслари
12 май, чоршанба
«Болонья» – «Женоа» 0:2
Голлар: 0:1 – 13 Заппакоста, 0:2 – 61, пенальти Скамакка.«Женоа»: Перин, Гольданига, Масьелло, Сапата, Заппакоста, Беҳрами (Зайц, 69), Бадель (Ровелла, 32), Стротман (Кассата, 82), Пандев (Радованович, 69), Шомуродов, Скамакка (Пьяца, 82).
Изоҳ (0)