Сурхондарё вилояти Бойсун туманида ичимлик суви тармоғига ноқонуний уланиб, сув сарфига сабаб бўлаётган ҳолатлар аниқланди. Бу ҳақда «Ўзсувтаъминот» матбуот хизмати хабар берди.
Дастлабки ўрганиш натижаларига кўра, Хўжамайхона магистрал сув қувурида 30 та ноқонуний уланиш ҳолати аниқланган. Шунингдек, Бойсун туман йўл қурилиши бўлими магистрал қувурга техник шартларсиз ва шартнома тузмай, яширинча қувур тортиб олгани аниқланган. Натижада 20 миллион 576 минг сўмга далолатнома тузилиб, инспекция томонидан мансабдор шахслар жаримага тортилган.
Қайд этилишича, бундай ноқонуний ҳолатлар «Бибиширин», «Ширинобод» каби бошқа маҳаллаларда ҳам аниқланиб, тармоқдан узиш ишлари олиб борилмоқда. Барча ҳолатлар юзасидан тегишли ҳужжатлар расмийлаштирилиб, прокуратура ва ички ишлар органларига тақдим қилинади, дейилади хабарда.
Изоҳ (0)