Буюк Британия ҳукумати Чемпионлар Лигаси финалини Истанбулдан Англияга кўчириш борасида УЕФА билан музокаралар олиб бормоқда, дея хабар қилмоқда The Telegraph.
Бунга сабаб қилиб Туркиянинг коронавирус билан боғлиқ вазият туфайли туристлар учун «қизил ҳудуд»га айлангани кўрсатилмоқда. «Қизил рўйхат»даги мамлакатлардан Британияга қайтган ҳар қандай шахс 10 кун мобайнида карантинда сақланади.
Бу ҳолат Англия терма жамоасининг Евро—2020 тайёргарлик жараёнига салбий таъсир қилади. «Манчестер Юнайтед» ва «Челси» сафида Англиянинг кўплаб футболчилари тўп тепади.
Шу сабаб британ ҳукумати, Англия футбол ассоциацияси ва УЕФА финални Истанбулдан кўчириш масаласини муҳокама қилмоқда.
Аввалроқ финал «Тоттенҳэм»нинг уй стадионида ўтиши мумкинлиги хабар қилинганди.
Финал баҳси 29 май кунига мўлжалланган.
Эслатиб ўтамиз, коронавирус сабаб 2019/20 йилги мавсум финали ҳам Туркиядан олиб қўйилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)