Самарқанд шаҳрида ижарага олинган уйда қимор ўйнаётган шахслар ушланди. Бу ҳақда Самарқанд вилояти ИИБ матбуот хизмати хабар берди.
Маълум бўлишича, 25 ёшли Ж.Ф. Самарқанд шаҳар Рўдакий кўчасидаги уйлардан бирини ижарага олиб, 4 нафар шахсга қимор ўйини учун шароит яратиб берган. 4 май куни Самарқанд шаҳри бўйича ИИО ФМБ 2-сон ИИБ ходимлари томонидан ўтказилган тезкор тадбирда ушбу шахслар қимор ўйнаётганида ҳодиса жойида қўлга олинган.
Ҳолат юзасидан Самарқанд шаҳри бўйича ИИО ФМБ ҳузуридаги тергов бўлими томонидан Жиноят кодексининг 278-моддаси (қимор ва таваккалчиликка асосланган бошқа ўйинларни ташкил этиш ҳамда ўтказиш) 2-қисми билан жиноят иши қўзғатилган.
Аввалроқ Самарқанд вилояти Пайариқ туманида 43 ёшли эркак ўз уйида қиморхона очгани аниқлангани, Самарқанд вилоятининг Паст Дарғом туманида яшаш уйида қиморхона ташкил этган 39 ёшли эркакка нисбатан жиноят иши қўзғатилгани, Сурхондарёда хонадонида қимор ўйнаётган ота-бола ва уларнинг шериклари қўлга олингани ҳақида хабар берилган эди.
Изоҳ (0)