«Реал» бош мураббийи Зинедин Зидан Европа Чемпионлар Лигаси ярим финал жавоб баҳси доирасида «Челси»га қарши кечган ўйиндаги (0:2) мағлубиятдан кейин ўз фикрлари билан ўртоқлашди.
Ҳа, «Челси» ғалабага лойиқ деб айтсак бўлади. Биз курашдик, бироқ улар финалга чиқишга муносиб эди. Бу ўйинда майдонга тушган бизнинг футболчилар жисмоний томондан тайёр эди.Чемпионлар Лигаси финалида «Манчестер Сити» ва «Челси» жамоалари ўзаро тўқнаш келади. Ўйин 29 май куни Истанбулда бўлиб ўтади.Шогирдларимдан фахрланаман — улар ҳаракат қилди. Биз жуда узоққа бордик, финалгача бир қадам қолганди. «Челси» ажойиб ўйин ўтказди, буни тан олиш керак.
Бизда яққол вазиятлар бўлмади, «Челси» эса уларнинг бир нечтасини содир этди — бу футбол. Бироқ юқорида таъкидлаганимдек, мен йигитлардан фахрланаман. Энди ҳордиқ чиқарамиз ва Ла Лига ҳақида ўйлаймиз.
Албатта, биз бу натижадан қониқмадик. Ярим финалда ютқазар экансан, бундан қониқиш ҳосил қилмайсан ва бу нормал ҳолат. Буни қабул қилиш қийин, бироқ биз машғулотларга қайтамиз ва ишга киришамиз.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)