Вазирлар Маҳкамаси 29 апрель куни «Ногиронлиги бўлган шахслар ишлари бўйича идоралараро кенгаш фаолиятини ташкил этиш тўғрисида»ги қарорни тасдиқлади, деб хабар бермоқда Norma.
Кенгашга бош вазирнинг ижтимоий ривожлантириш масалалари бўйича ўринбосари Беҳзод Мусаев раис бўлди. Соғлиқни сақлаш вазири Абдуҳаким Хожибоев унинг ўринбосари этиб тайинланди. Кенгаш таркибига, шунингдек, маҳалла ва оилани қўллаб-қувватлаш вазири Раҳмат Маматов, олий ва ўрта махсус таълим вазири Абдуқодир Тошқулов, Ўзбекистон ногиронлар жамияти раиси Комил Абдуллаев, халқ таълими вазири Шерзод Шерматов, мактабгача таълим вазири Агриппина Шин ва бошқалар киритилди.
Идоралараро кенгашнинг асосий вазифалари қуйидагилардан иборат:
- ногиронлиги бўлган шахсларнинг ҳуқуқларини таъминлаш соҳасидаги давлат сиёсатини амалга оширувчи давлат органлари фаолиятини мувофиқлаштириш;
- ногиронлиги бўлган шахсларнинг соғлиғини тиклаш, уларни реабилитация қилиш, ижтимоий ҳимоя қилиш ва ҳуқуқларини таъминлашга доир давлат дастурини амалга оширишда иштирок этиш;
- ногиронлиги бўлган шахсларнинг таълим олиши, уларни касбга тайёрлаш, қайта тайёрлаш, малакасини ошириш, меҳнат қилиши ва бандлигига кўмаклашиш;
- ногиронлиги бўлган шахсларнинг жамият ва давлат ҳаётида тўла ҳуқуқли тарзда иштирок этиши учун қулай шарт-шароитлар яратишда иштирок этиш.
Мавзуга доир:
- Ногиронлиги бор бўлган шахслар учун «тўсиқсиз муҳит»ни шакллантиришимиз лозим — Танзила Норбоева
- Ўзбекистонда эҳтиёжманд оилалар фарзандларига бериладиган ёрдам пули учун ҳужжатлар талаб қилинаётгани тўғрисидаги хабарга изоҳ берилди
- БМТ ногиронларнинг олий судловда иштирок этишини таъминлаш юзасидан тавсиялар ишлаб чиқди
Изоҳ (0)