UFC промоушени Тошкент вақти билан 2 май, якшанба куни АҚШнинг Лас-Вегас шаҳрида (Невада штати) UFC Vegas 25 мусобақасини ўтказди.
Мусобақанинг асосий кардидан ўрин олган Гига Чикадзе ҳамда Каб Свонсон ўртасидаги жанг 1-раунддаёқ якунига етди. Грузиялик жангчи америкалик рақибини нокаутга учратди ва ғалабани тантана қилди.
Асосий жанг ярим оғир вазн тоифаси вакиллари америкалик Доминик Реес ҳамда чехиялик Иржи Прохазка ўртасида кечди. Иккала спортчи 1-раундданоқ очиқ жангга киришди. Иккинчи раунд сўнгида Прохазка тирсаги билан кучли зарба йўллаб, Реесни чуқур нокаут ҳолатига тушириб қўйди.
Шу тариқа Прохазка UFC’даги иккинчи жангида ҳам нокаут эвазига ғалаба қозонди. 28 ёшли спортчи UFC’да дебютини 2020 йил 11 июлида Волкан Ўздемирга қарши ўтказган ва уни ҳам 2-раундда нокаутга учратганди.
Доминик Реес эса UFC’да кетма-кет учинчи мағлубиятини қабул қилди. У аввалроқ ярим оғир вазн тоифаси чемпионларига кетма-кетликда ютқазганди. Жумладан, UFC афсонаси Жон Жонс билан 5 раунд тўлиқ жанг қилган ва ҳакамлар қарорига кўра ютқазган. Кейин эса Ян Блаҳовичга қарши жанг қилиб, 2-раундда нокаутга учраган ҳолда ютқазиб қўйганди.
UFC Вегас 25 мусобақаси жангларини бу ерда томоша қилиш мумкин — видео.
Асосий кард:
- Иржи Прохазка 2-раундда Доминик Реесни нокаутга учратди.
- Гига Чикадзе 1-раунддаёқ Каб Свонсонни нокаутга учратди.
- Ион Куцелаба ва Дастин Якоби ўртасидаги жанг дуранг билан якунланди.
- Шон Стрикленд ҳакамлар қарорига кўра Кшиштоф Ёткони мағлуб этди.
- Мераб Двалиашвили ҳакамлар қарорига кўра Коди Стаманн устидан ғалаба қозонди.
- Луана Пинейру дисквалификация орқали Ранда Маркосни мағлуб этди.
- Ти Жей Браун ҳакамлар қарорига кўра Кай Камакани мағлуб қилди.
- Луана Каролина ҳакамлар қарорига кўра Полиана Ботелюдан устун келди.
- Ломба Лукбунми ҳакамлар қарорига кўра Сем Хьюзни таслим этди.
- Андреас Михайлидис ҳакамлар қарорига кўра Кей Би Булларни мағлуб этди.
- Фелипе Коларес ҳакамлар қарорига кўра Люк Сандерсни мағлуб қилди.
Изоҳ (0)