Бир неча кундан бери Қашқадарё вилоятида бўлиб турган соғлиқни сақлаш вазирининг биринчи ўринбосари, тиббиёт фанлари доктори Амрилло Иноятов вилоят болалар кўп тармоқли тиббиёт марказида юз-жағ жарроҳлиги бўйича маҳорат дарси тарзидаги жарроҳлик амалиётига бошчилик қилди. Бу ҳақда «Дарё»га вилоят Соғлиқни сақлаш бошқармаси ахборот хизмати раҳбари Нуриддин Эгамов маълум қилди.
Таъкидланишича, уч нафар болада палатопластика, жағ суяги остеосинтези ва бўйин ўрта туғма оқмасини бартараф қилиш бўйича ўтказилган мураккаб операциялар муваффақиятли ўтган.
Операцияларда, шунингдек, Бухоро вилояти кўп тармоқли тиббиёт маркази ва Тошкент стоматология институти бўлим бошлиқлари, тиббиёт фанлари номзодлари Санжар Шарапов ҳамда Феруз Тожиев, вилоят болалар кўп тармоқли тиббиёт маркази жарроҳи Ғиёс Фармонов ҳам иштирок этган.
Изоҳ (0)