Бухорода 2022 йилдан бошлаб ҳар икки йилда тилла каштачилик ва заргарлик буюмлари халқаро фестивали ўтказилади. Бу ҳақда Шавкат Мирзиёевнинг 29 апрелдаги фармонида таъкидланган, деб ёзади Norma.
Фестиваль доирасида кўрик танлов, тақдимот, кўргазмалар, театрлаштирилган концерт ва кўнгилочар дастурлар, маданий-маърифий ҳамда тарғибот-тушунтириш тадбирлари ташкил этилади. Фестиваль 2022 йил 21—25 май кунлари бўлиб ўтиши кутилмоқда.
Фестиваль билан бирга Тошкентда ҳар йили ускуналар, технологиялар ҳамда заргарлик саноати маҳсулотларининг халқаро кўргазмаси ва савдоси бўлиб ўтади. Ўзбек заргарлик буюмлари ярмаркаси хорижий мамлакатларнинг заргарлик саноати вакиллари, хорижий инвесторлар, экспертлар ва мутахассислар иштирокида бўлиб ўтади.
Фестивальнинг мақсади истеъдодли ҳунармандларни аниқлаш, тилла каштачилик ва заргарлик буюмларини ривожлантиришни жадаллаштириш, сайёҳларни жалб қилиш, турли томошалар, хусусан, фольклор фестиваллари, фольклор ансамбллари, дорбозлар, аскиячи ва қизиқчилар чиқиши, ҳунармандлар дарслари ва бошқаларни ташкил этиш.
Бундан аввал Ўзбекистонда заргарларга қимматбаҳо металларни тўғридан-тўғри сотиб олиш ҳуқуқи берилиши ҳақида хабар қилинганди.
Изоҳ (0)