Bir necha kundan beri Qashqadaryo viloyatida bo‘lib turgan sog‘liqni saqlash vazirining birinchi o‘rinbosari, tibbiyot fanlari doktori Amrillo Inoyatov viloyat bolalar ko‘p tarmoqli tibbiyot markazida yuz-jag‘ jarrohligi bo‘yicha mahorat darsi tarzidagi jarrohlik amaliyotiga boshchilik qildi. Bu haqda “Daryo”ga viloyat Sog‘liqni saqlash boshqarmasi axborot xizmati rahbari Nuriddin Egamov ma’lum qildi.
Ta’kidlanishicha, uch nafar bolada palatoplastika, jag‘ suyagi osteosintezi va bo‘yin o‘rta tug‘ma oqmasini bartaraf qilish bo‘yicha o‘tkazilgan murakkab operatsiyalar muvaffaqiyatli o‘tgan.
Operatsiyalarda, shuningdek, Buxoro viloyati ko‘p tarmoqli tibbiyot markazi va Toshkent stomatologiya instituti bo‘lim boshliqlari, tibbiyot fanlari nomzodlari Sanjar Sharapov hamda Feruz Tojiyev, viloyat bolalar ko‘p tarmoqli tibbiyot markazi jarrohi G‘iyos Farmonov ham ishtirok etgan.
Izoh (0)