Бугун,

  • USD 10940.05
  • RUB 182.26
  • EUR 11121.65

Олий Мажлис Сенатининг Фан, таълим ва соғлиқни сақлаш масалалари қўмитаси раиси Одилжон Иминов битирувчилардан уч томонлама шартнома талаб этилиши билан боғлиқ ҳолат назоратга олинганини маълум қилди, деб хабар беради «Халқ сўзи Online».

Фото: «Дарё» / Мадина Нурман

Фото: «Дарё» / Мадина Нурман

Қўмита раисининг таъкидлашича, шу кунларда коллеж, лицей, ҳатто олий таълим муассасалари битирувчиларидан бирор ташкилот, корхонадан уч томонлама шартнома тасдиқлатиб келиши талаб этилаётгани билан боғлиқ ҳолатлар ижтимоий тармоқларда жамоатчилик томонидан кенг муҳокама қилинмоқда.

Хусусан, битирувчиларни иш билан таъминлашда ана шундай кўзбўямачиликка йўл қўйилаётгани, энг ачинарлиси, уч томонлама шартнома хўжакўрсинга тузилганини уч томон ҳам билиши, бу сохта «анъана» бутун бир мамлакат ривожи учун салбий таъсир қилиши таъкидланган.

«Мазкур масала Олий Мажлис Сенатининг Фан, таълим ва соғлиқни сақлаш масалалари қўмитаси томонидан назоратга олиниб, Олий ва ўрта махсус таълим вазирлигига асослантирилган ҳолда тушунтириш бериш талаби билан сўров юборилди», — дейди Иминов.

Эслатиб ўтамиз, январь ойида Одилжон Иминов Тошкент шаҳри ва вилояти мактабларида математика фанини ўзлаштириш бўйича энг паст даражада эканини маълум қилганди.

Изоҳ
Асосий янгиликлар