Бугун,

  • USD 11095.31
  • RUB 173.84
  • EUR 10772.44

Америка ҳарбий қўмондонлиги 29 апрель куни АҚШ қўшинларини Афғонистон ҳудудидан олиб чиқишни бошлаб юборди. Бу ҳақда CNN телеканали хабар қилган.

Фото: Getty Images

Фото: Getty Images

«100 га яқин ҳарбийлар Афғонистонни ҳаво транспорти орқали тарк этди», – дейилади CNN хабарида.

Айни вақтда Афғонистон ҳудудида 2,5 мингга яқин АҚШ аскарлари хизмат қилади, шунингдек, махсус операцияларни амалга оширадиган юзлаб ҳарбийлар ҳам мамлакат ҳудудида қолмоқда. Уларнинг ҳаммаси президент фармонига мувофиқ Афғонистондан чиқиб кетади.

Аввал Шимолий Атлантика альянси (НАТО) штаб-квартираси аппаратининг вакили ҳам мазкур ташкилотнинг ҳарбийлари ҳам Афғонистондан чиқиб кетишни бошлаганини маълум қилганди.

«Апрель ўрталарида НАТО ‘Қатъий кўмак’ миссияси кучларининг ҳарбийлари 1 майдан бошлаб Афғонистон ҳудудини тарк этишни бошлайди. Бу тартибли, мувофиқлаштирилган ва ҳар томонлама ўйланган жараён бўлади», – деган «Интерфакс» нашрига маълумот берган манба.

«Қўшинларимизнинг хавфсизлиги йўлнинг ҳар бир босқичида асосий мақсадларимиздан бири бўлади ва биз ходимларимизни ҳимоя қилиш учун барча зарур чораларни кўрамиз», – дея қўшимча қилган НАТО вакили.

Шунингдек, альянс ходими дастлабки босқичда ташкилотнинг Афғонистонда қанча ҳарбий аскари борлиги ва уларнинг қанчаси мамлакатдан чиқиб кетгани ҳақида тафсилотлар бериб борилмаслигини қайд этган.

«Қўшинларни Афғонистондан олиб чиқиб кетиш вақтида ‘Толибон’ томонидан амалга оширилган ҳар қандай ҳужумга кескин жавоб қайтарилади. Биз аскарларни олиб чиқиб кетишни бир неча ой ичида тугатишни режа қилганмиз», – дея таъкидлаган НАТО расмийси.

Аввал АҚШ давлат департаменти америкаликларга Афғонистон ҳудудига бормасликни, у ердаги фуқароларга эса мамлакат ҳудудидан иложи борича тезроқ чиқиб кетишни тавсия қилганди. Идора Афғонистондаги асосий хавф коронавирус, жиноятчилик, террорчилик ташкилотлари, одам ўғирлаш билан боғлиқ фуқаролар ҳаётига таҳдид солувчи хавотирлар ва қуролли тўқнашувлар содир бўлишининг эҳтимоли сабаб шундай тавсиялар берган.

АҚШ президенти Жо Байденнинг администрацияси Афғонистон ҳудудидаги ҳарбийларни олиб чиқиб кетишни 1 майда бошлаб, 11 сентябрда якунламоқчи. Аввалги администрация ҳам Афғонистондаги ҳарбийларни 1 майда олиб чиқиб кетишни бошлаш борасида «Толибон» билан келишиб олганди. Энди «Толибон» Байденнинг мазкур қарорини аввалги келишув шартларини бузиш деб ҳисобламоқда ва бунга нисбатан жавоб ҳаракатлари амалга оширилишини билдирган.

Изоҳ
Asosiy yangiliklar
Дунё
Ҳиндлар томонидан вайрон қилинган Бобур масжиди, Монреалдаги политехника институтидаги қизларнинг ўлдирилиши ва Москвада портловчи моддалар ортилган вагон ҳалокати...
Дунё
Россия Украинага 70 та ракета билан зарбалар берди, тўрт киши ҳалок бўлди
Маҳаллий
Фарғонада профилактика инспектори ўзини отиб қўйди