Bugun,

  • USD 11095.31
  • RUB 173.84
  • EUR 10772.44

AQSh davlat kotibi Entoni Blinken CNN nashriga bergan intervyusida hech kim Afg‘onistonda fuqarolar urushining qayta boshlanishidan manfaatdor emasligi, biroq ushbu ssenariyning ehtimoli mavjudligi haqida gapirdi. Suhbatning matni AQSh Davlat departamentining rasmiy saytida e’lon qilingan.

AQSh davlat kotibi Entoni Blinken

AQSh davlat kotibi Entoni Blinken
Foto: Reuters

“Hech kim Afg‘onistonda fuqarolar urushining qayta boshlanishidan manfaatdor emas. Bu, ayniqsa, Afg‘oniston xalqi uchun og‘ir zarba bo‘ladi. Afg‘oniston hukumati ham, ‘Tolibon’ ham buni istamaydi. Afg‘onistonga qo‘shni bo‘lgan mamlakatlar ham bunga qarshi. Qo‘shnilar, shuningdek, oxirgi 20 yilda voqealar rivojini chekkadan kuzatib turgan mintaqadagi boshqa mamlakatlar o‘z manfaatlaridan kelib chiqib, endi AQSh, uning ittifoqdoshlari va hamkorlari hamda NATOning Afg‘onistondagi barqarorlikni ta’minlash uchun faollik ko‘rsatganini inobatga olib, mamlakatdagi barqarorlikni saqlab turish, tinchlikni ushlash uchun sa’y-harakatlarni amalga oshirishi lozim”, — deya ta’kidlagan Entoni Blinken.

Uning ta’kidlashicha, Qo‘shma Shtatlar Afg‘onistondan qo‘shinlarini olib chiqib ketmoqda, ammo mamlakatni tark etmayapti.

“Biz hali ham Afg‘oniston hukumati va uning xalqini qo‘llab-quvvatlash, mamlakat taraqqiyotini ta’minlash uchun iqtisodiy va ijtimoiy yordam ko‘rsatish, xavfsizlik kuchlariga ko‘mak berish bo‘yicha diplomatik ishlarni davom ettiryapmiz”, — degan AQSh davlat kotibi.

Entoni Blinken AQShning Afg‘onistonda amerikaliklarga ishlagan afg‘onistonliklar (tarjimonlar, injenerlar, mahalliy hamkorlar va ularning oila a’zolari, 18 mingga yaqin odam) va hayoti xavf ostida bo‘lganlar maxsus viza dasturi asosida AQShga ko‘chib o‘tishi mumkinligini bildirgan.

AQSh prezidenti Jo Bayden aprel o‘rtalarida 1-maydan boshlab Vashingtonning Afg‘onistondagi qo‘shinlari mamlakat hududidan chiqib ketishini e’lon qilgan. Ushbu jarayon 11-sentabrgacha ya’ni “Al-Qoida” terrorchilik tashkilotining Jahon savdo markazi va Pentagonga uyushtirgan hujumlariga 20 yil to‘ladigan kunda tugaydi. AQShning ortidan NATO, Gruziya, Bolgariya ham qo‘shinlarini Afg‘onistondan olib chiqib ketishini bildirgan.

Baydenning mazkur qaroriga AQSh sobiq prezidenti Donald Tramp munosabat bildirgan va Afg‘onistondan qo‘shinlarni olib ketishda 11-sentabrdan foydalanmaslik, harbiylarni tezroq qaytarish imkoniyatini ko‘rib chiqish mumkinligi haqida tanqidiy fikr bildirgan.

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg