Ўзбекистон илк бор архитектура ва санъат оламида кенг кўламли тадбир — XVII Халқаро меъморчилик биенналесида иштирок этади. Бу ҳақда «Дарё»га Ўзбекистон Маданият вазирлиги ҳузуридаги Маданият ва санъатни ривожлантириш жамғармаси матбуот хизмати хабар берди.
2021 йил 22 майдан 21 ноябргача бўлиб ўтадиган тадбирда мамлакат «Маҳалла: шаҳар ва қишлоқ ҳаёти» мавзусидаги миллий павильони билан иштирок этади. Ўзбекистон Марказий Осиё минтақасидан иштирок этаётган биринчи давлат бўлади.
Очилиш маросимида Ўзбекистон номидан бош вазир ўринбосари, Ўзбекистон Миллий павильонининг ташкилий қўмитаси раиси Азиз Абдуҳакимов, Маданият ва санъатни ривожлантириш жамғармаси кенгаши раисининг ўринбосари Саида Мирзиёева, Маданият ва санъатни ривожлантириш жамғармасининг ижрочи директори ва кўргазма лойиҳаси комиссари Гаянэ Умерова, шунингдек, лойиҳавий ишлар иштирокчилари иштирок этади.
Биеннале — ҳар икки йилда бир марта ўтказиладиган кўргазмадир. Ушбу кўргазмада Ўзбекистон иштирок этиши кутилаётгани ҳақида 2020 йилнинг ноябрида маълум бўлганди.
Изоҳ (0)