21 апрелдан 25 апрелгача Universal Jumping Agro от спорти клубида спортнинг мана шу йўналиши бўйича халқаро турнирлар — конкур бўйича Жаҳон кубоги ва Миллатлар кубоги ўтказилди. Тантанали тадбирни Миллий олимпия қўмитаси раиси Рустам Шоабдураҳмонов ва Ўзбекистон йилқичилик ҳамда от спорти федерацияси раҳбари Баҳромжон Газиев очиб берди.
5 кун давомида, 12 та давлатдан келган қарийб 30 нафар иштирокчи совринли ўринлар ва Евросиё лигасининг финал босқичига йўлланмани қўлга киритиш учун курашди: Ўзбекистон, Қозоғистон, Қирғизистон, Россия, Беларусь, Арманистон, Украина, Германия, Нидерландия, Финляндия, Эрон ва БАА.
Мусобақалар Халқаро от спорти федерацияси (FEI) ва Евросиё от спорти ассоциацияси бошчилигида бўлиб ўтди. Тадбир нафақат digital соҳада, балки event-industriya’да ҳам тутган ўрнини мустаҳкамлаб бораётган Chase Group компанияси томонидан ташкиллаштирилди.
Мусобақаларнинг биринчи куни — 22 апрелда ғалаба Ўзбекистон вакилларига насиб этди. Совринли ўринлар қуйидагича тақсимланди:
Конкур-1, 120 сантиметр баландлик:
1-ўрин — Абдушукур Собиржонов
2-ўрин — Абдуазим Рамзитдинов
3-ўрин — Хуршид Алимжонов
Конкур-2, 140 сантиметр баландлик:
1-ўрин — Бекзод Қурбонов
2-ўрин — Бекзод Қурбонов
3-ўрин — Нуржон Туякбаев
Мусобақаларнинг иккинчи куни, 23 апрелда E гуруҳи тўсиқлар баландлиги 140-150 сантиметр бўлган Гран-при йўналиши рейтингидан ўтди. Биринчи ўринни Coco-Palla лақабли отда Қирғизистон вакили Ринат Галимов эгаллади. Ўзбекистонлик чавандоз Бекзод Қурбонов King Cornet лақабли отда иккинчи ўриндан жой олди. Совриндорлар шоҳсупасининг учинчи ўрни ҳам Бекзод Қурбонов ва унинг Sir Stenograph лақабли отига насиб этди.
Шунингдек, шу куннинг ўзида чавандозлар тўсиқлар баландлиги 130 сантиметр бўлган конкурда ҳам беллашишди, ушбу беллашувда ҳам совринли ўринлар Ўзбекистон вакилларига насиб этди:
1-ўрин – Аъзам Талиббаев
2-ўрин – Умид Камилов
3-ўрин – Ғайрат Назаров
24 апрель куни мусобақалар давом эттирилди. Мусобақаларнинг 3-куни натижалари:
Конкур-5, 130 сантиметр баландлик:
1-ўрин – Аъзам Талиббаев, Қирғизистон
2-ўрин – Баҳромжон Газиев, Ўзбекистон
3-ўрин – Нурилла Турисбекова, Қозоғистон
Конкур-6, 110 сантиметр баландлик:
1-ўрин – Зокир Тўражонов, Ўзбекистон
2-ўрин – Редко Радион, Украина
3-ўрин – Ибрагим Йўлдошев, Ўзбекистон
Мусобақаларнинг якунловчи куни — 25 апрелда Миллатлар кубоги учун жамоада беллашувлар бўлиб ўтди. Совринли ўринлар қуйидаги кўринишга эга бўлди:
1-ўрин — Ўзбекистон жамоаси (жамоа таркибида Қурбонов Бекзод, Собиржонов Оқилжон, Комилов Умид, Туякбаев Нуржон иштирок этди).
2-ўрин — таркибида Тряпицин Андрей, Мамитов Садир, Галимов Ринат, Сабитов Камил иштирок этган Қирғизистон жамоаси.
3-ўрин — Қозоғистон жамоаси (иштирокчилар: Турисбеков Нурилла, Досали Нурлан, Маликаждар Чингиз, Попелляев Олег).
25 апрель куни, шунингдек, Ўзбекистон йилқичилик ва от спорти федерацияси раиси кубоги учун ҳам мусобақалар ўтказилди. Совринли ўринларни қуйидагилар эгаллади:
1-ўрин — Абдуазим Рамзитдинов, Ўзбекистон
2-ўрин — Ринат Галимов, Қирғизистон
3-ўрин — Хуршидбек Алимжанов, Ўзбекистон
Жамоа мусобақаларида Миллатлар кубоги ва якка тартибдаги чиқишларда совринли ўринларни эгаллашга муваффақ бўлган ўзбек чавандозларининг аъло даражадаги тайёргарликларини алоҳида таъкидлаб ўтиш жоиз.
Эслатиб ўтамиз, Тошкентда Евросиё лигаси дебют мавсумининг бирлаштирилган биринчи босқичи бўлиб ўтди. Лигадаги Миллатлар кубоги мавсуми якунларига кўра, энг яхши деб топилган жамоа Барселонада бўлиб ўтадиган Миллатлар кубоги финалида иштирок этиш ҳуқуқини қўлга киритади. Лигадаги Жаҳон кубоги мавсумининг Евросиё бўйича учта энг яхши чавандози эса Лейпцигда ўтказиладиган Жаҳон кубоги финалида иштирок этиши мумкин.
Реклама ҳуқуқи асосида.
Изоҳ (0)