MMA’чилар иштирокида жанглардан кўргазмали тўқнашувларгача. Бокс тарихидаги энг томошабоп жанглар рейтинги тузилди

YouTube блогер Жейк Пол ва Bellator собиқ чемпиони Бен Аскрен ўртасидаги жанг бокс тарихидаги энг кассабоп жанглар ўнлигидан жой олди.

YouTube’даги EsNews канали PPV сотуви бўйича энг юқори натижа қайд этган жанглар рейтингини тузиб чиқди. Уни Флойд Мейвезер ва Мэнни Пакьяо ўртасидаги жанг бошқариб турибди — 4,6 миллионта PPV. Шунингдек, рўйхатдаги дастлабки тўртта жанг Мейвезер иштирокидаги беллашувлар бўлди.

Эътиборлиси топ-10 ликдан асли боксчи бўлмаган спортчилар иштирокидаги жанглар ва кўргазмали тўқнашувлар ҳам жой олди. Масалан, UFC собиқ жангчиси Конор Макгрегорнинг Мейвезерга қарши жанги, Жейк Пол ва Аскрен ўртасидаги беллашув. Яна Майк Тайсон ва Рой Жонс ўртасида бўлиб ўтган кўргазмали жанг ҳам кучли ўнликка кирди.

1. Флойд Мейвезер — Мэнни Пакьяо – 4,6 миллион PPV
2. Флойд Мейвезер — Конор Макгрегор – 4,2 млн PPV
3. Оскар де ла Ҳоя — Флойд Мейвезер – 2,4 млн PPV
4. Флойд Мейвезер — Сауль Альварес – 2,2 млн PPV
5. Эвандер Ҳолифилд — Майк Тайсон 2 – 1,9 млн PPV
6. Леннокс Льюис — Майк Тайсон – 1,6 млн PPV
7. Майк Тайсон — Рой Жонс – 1,6 млн PPV
8. Майк Тайсон — Эвандер Ҳолифилд – 1,5 млн PPV
9. Флойд Мейвезер — Мигел Котто – 1,5 млн PPV
10. Жейк Пол — Бен Аскрен – 1,5 млн PPV