Россиянинг Санкт-Петербург шаҳрида бокс бўйича Губернатор Кубоги—2021 мусобақаси давом этмоқда.
Мусобақанинг учинчи кунида тўрт нафар ўзбекистонлик боксчи рингга кўтарилди.
Шаҳобиддин Зоиров қирғизистонлик Нуржигит Дюшебаевга қарши жанг қилиб, ишончли ғалабани қўлга киритган бўлса, Миразизбек Мирзахалилов мусобақа доирасидаги иккинчи жангида таиландлик Дача Бутдидан устун келди.
Элнур Абдураимов мезбонлар вакили Иля Поповга қарши жанг қилди. Тенг курашлар остида ўтган жангда, ҳакамлар ғалабани россиялик спортчига берди ва Элнур мусобақадаги юришини тўхтатди.
Оғир вазн тоифасида ҳаракат қилаётган Баҳодир Жалолов россиялик Артём Фёдоровга тўқнаш келди. Жалолов биринчи раунднинг ўзида рақибини икки бор нокдаун ҳолатига туширди, иккинчи нокдаундан кейин Россия вакилининг бурчаги жангни тўхтатишни сўради ва Жалолов муддатидан аввал ғалаба қозонди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)