Футбол бўйича Англия Премьер Лигасининг 32-турида «Манчестер Сити» 21 апрель, чоршанба куни «Астон Вилла» майдонида меҳмон бўлди.
Учрашувда ҳисоб 1-дақиқадаёқ очилди. Чап қанотдан оширилган тўпни Жон Макгинн «шаҳарликлар» дарвозасига жойлаб қўйди. Аммо Пеп Гвардиола шогирдлари бу голга Филип Фоден ва Родрининг голлари билан жавоб қайтарди.
«Манчестер Сити» чемпионликка эришиши учун 5 та ўйинда 8 очко тўплаши керак бўлади. Ушбу ҳолатда жамоа бошқа клубларининг натижаларидан қатъи назар мусобақа ғолиблигини қўлга киритади. Ҳозирда жамоанинг ҳисобида 77 очко бор. 2-ўриндаги «Манчестер Юнайтед» 1 та ўйин кам ўтказган ҳолда 66 очко билан ҳамшаҳарини таъқиб этмоқда.
АПЛ
32-тур баҳси
21 апрель, чоршанба
«Астон Вилла» – «Манчестер Сити» 1:2
Голлар: 1:0 – 1 Макгинн, 1:1 – 22 Фоден, 1:2 – 40 Родри.«Астон Вилла» – Мартинес, Таргетт, Конса, Мингз, Кеш, Рэмзи (Дэвис, 46), Дуглас Луис, Накамба (Баркли, 63), Макгинн, Траоре (ал-Ғози, 75), Уоткинс.
«Манчестер Сити» – Эдерсон, Рубен Диаш, Уокер, Стоунз, Зинченко, Родри, Бернарду Сильва, Фоден, Гундўған, Маҳрез (Фернандино, 90), Габриэль Жезус (Лапорт, 46).
Огоҳлантиришлар: Гундўған (44), Кеш (54).
Четлатишлар: Стоунз (44), Кеш (57).
Изоҳ (0)