«Шальке-04» Бундеслига 30-тури доирасида 20 апрель куни кечган баҳсда «Арминия»га ютқазди (0:1).
Гелзенкирхенликлар 30 та ўйинда атиги 13 очко жамғарди ва юқори дивизионда қолиш учун имкониятини йўқотди.
«Шалке» сўнгги бор юқори дивизиондан 1988 йилда тушиб кетганди. Ўшанда клуб иккинчи дивизионда уч мавсум ўйнаган ва 1991 йилдагина элитага қайтганди.
«Шалке»да 2020/21 йилги мавсум давомида беш марта мураббий алмашди, шунингдек, раҳбариятда ҳам қатор ўзгаришлар бўлди. Бироқ бу чоралар клубни лигада сақлаб қолиш учун етарли бўлмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)