Футбол бўйича Италия А Сериясининг 31-турида «Милан» 18 апрель, якшанба куни «Женоа»ни қабул қилди.
Ўйин тезкор гол билан бошланди. 13-дақиқада Анте Ребич ҳисобни очди. 37-дақиқада Маттиа Дестро бурчакдан оширилган тўпни боши билан дарвозага жойлаб, мувозанатни тиклади. Аммо Жанлука Скамакка 68-дақиқага келиб, ўз дарвозасини ишғол этиб қўйди. Шундан сўнг дарвозаларга бошқа тўп киритилмади.
«Женоа» сафида тўп сурадиган ўзбекистонлик ҳужумчи Элдор Шомуродов мазкур баҳсда 74-дақиқада майдонга туширилди.
Ушбу ғалабадан кейин миланликлар 66 очко билан мусобақа жадвалида 2-ўринда бормоқда. Генуя клуби эса 32 очко билан 13-поғонани банд этган.
А Серия
31-тур баҳси
18 апрель, якшанба
«Милан» – «Женоа» 2:1
Голлар: 1:0 – 13 Ребич, 1:1 – 37 Дестро, 2:1 – 68, автогол Скамакка.«Милан»: Доннарумма, Кьер, Тео, Томори, Калулу (Диогу Далот, 62), Салемакерс (Браим Диас, 63), Беннасер (Тонали, 74), Чалхонўғлу (Крунич, 88), Кессиэ, Ребич, Рафаэл Леау (Манжукич, 63).
«Женоа»: Перин, Гильоне (Бираски, 57), Масьелло, Гольданига, Стротман (Беҳрами, 83), Радованович, Зайц, Бадель, Кассата (Пандев, 74), Дестро (Пьяца, 57), Скамакка (Шомуродов, 74).
Огоҳлантириш: Гольданига (26).
Изоҳ (0)