Ушбу мавсумда дизайнерлар иккиланмасдан, жасорат билан кўпроқ ёрқин ранглардаги либослар танлашни маслаҳат бермоқда. Қуйида келтирилган 10 замонавий образ ҳам деярли ҳеч кимни эътиборсиз қолдирмайди.
Чиройли енгли кенг ва бежирим либос кундалик қиёфа учун ажойиб танлов бўла олади. Ушбу бичимдаги кўйлаклар кроссовка билан ҳам, пошнали оёқ кийимлар билан ҳам мос тушади.
Миди узунликда яшил рангли либос билан ресторан, концерт ёки театрларга ташриф буюриш мумкин.
Майда холли ҳаворанг либос романтик услуб эгалари учун айни муддао. Бел қисмининг белбоғ тарзида тикилиши қоматни янада чиройли кўрсатади.
Бўйни визуал тарзда узайтиришни истайдиганлар олд қисми учбурчак шаклда бичилган либосларни қўрқмасдан танлаши мумкин. Шунингдек, қизилдан бироз тўқ ранглар ушбу мавсумда анча оммалашади.
Баҳор мавсумини пушти рангдаги либоссиз тасаввур қилиб бўлмайди. Кенг ва қулай бўлган усбу моделдан ҳам кундалик учун ажойиб образлар яратишда фойдаланиш мумкин.
Оддий, аммо бежирим тикилган мазкур либосни дўстлар билан учрашув ёки сайрларга кийиш мумкин.
Бинафша ранг баҳор учун жуда мос келадиган ранг бўлиб, тугма ва белбоғ деталлари либоснинг кўринишига ўз ҳиссасини қўшган.
Тўқима услубидаги ушбу либос ҳам содда кўринишда бўлса-да, уни қўшимча деталлар билан бойитиш мумкин. Шунингдек, бежирим оёқ кийимлар билан уйғунлаштириш образни мукаммал қилиши табиий.
Ёрқин кўк рангли либос оқ пойабзал билан ажойиб комбинацияни ҳосил қилади. Шунингдек, қўш этак бичимида тикилган либос максимал даражада қулайлик яратади.
Изоҳ (0)