Тўғри танланган пойабзал исталган образга урғу бериши мумкин. Айнан шу сабаб ҳам дизайнерлар эксперимент қилишдан чўчимасликни, ёрқин ва ранг-баранг оёқ кийим танлашни тавсия қилади. Илҳомланиш учун эса қуйида суратларни эътиборингизга ҳавола қиламиз.
Оч бинафшаранг, ноодатий дизайнга эга пойабзаллар мазкур мавсумда ҳар қачонгидан ҳам долзарб.
Орқа қисми очиқ, сариқ рангли пойабзал баҳор ва ёз учун энг яхши вариант. Уни кенг бичимли оқ шим, ипак матосидан тикилган блузка билан кийишдан ташқари, романтик либос, оқшом тадбирлари учун эса топ ва калта юбка билан мослаш мумкин.
Нафақат дизайн, балки сифат ва қулайликни қадрлайдиганлар учун эса пушти рангдаги чарм матосидан тикилган лоферлар айни муддао.
Ортиқча безакларсиз, аммо ёрқин қизил рангли оёқ кийимни исталган костюм ва енгил сарафан билан кийса бўлади.
Агар пошнада ҳаракатланиш ноқулай бўлса, унда олд қисми учли балеткаларга эътибор қарацангиз бўлади.
Оловранг пошнали шиппакни исталган кўйлак ва сарафан, шунингдек, жинси ва бошқа шимлар билан кийса бўлади.
Олд қисми учли, кичик пошнали пойабзал вариантлари эса балеткалар ўрнига альтернатив бўлади. Бошдан-оёқ бир рангда кийинганда бундай пойабзал унга энг яхши урғу бўла олади.
Катак-катак принтли ва ноодатий боғичи бор учли туфли эса исталган сипо ва одми образни ранг-баранг кўрсатади.
Классика шайдолари учун қаймоқранг, олд қисми учли туфлидан яхшиси йўқ.
Ўзига хос дизайнга эга, орқа қисми очиқ пойабзал билан исталган образ қизиқарли кўриниши мумкин.
Изоҳ (0)