Glowday гўзаллик клиникаси ёши 40 дан ошганига қарамай ҳали ҳамон мафтункор ва чиройли юлдузларни аниқлаш учун Британиялик аёллар ўртасида сўровнома ўтказди. Натижалар 2021 йилнинг 26 март куни Daily Mail нашрида эълон қилинган.
Кейт Бекинсейл, 47 ёш
«Перл-Харбор», «Ван Хелсинг» сингари фильм юлдузига ижтимоий сўровномада 8 фоиз одам овоз берган. Юзи учун алоҳида косметик воситалардан фойдаланмайдиган актриса шунчаки қиммат бўлмаган совун, қуёшдан ҳимоя қиладиган крем ва ёғдан фойдаланади.
Клаудия Винклеман, 49 ёш
Британиялик телебошловчи юзини парвариш қилиш учун махсус усулдан фойдаланмаслиги, баъзида ҳатто косметикани ювмасдан уйқуга ётишини билдирган. Клаудия тиниқиб ухлаш саломатлик ва кўринишга ҳисса қўшиши мумкин бўлган, ўзи амал қиладиган одат эканини маълум қилган.
Хелли Миррен, 75 ёш
Ёши катталигига қарамай, суратга тушишда давом этадиган актриса, ўзини ҳурлиқо деб ҳисобламайди. Асосийси помада, лаб қалами ва намлантирувчи крем харид қилиш кераклигини таъкидлайди.
Давина Макколл, 53 ёш
Англиялик актриса ва телебошловчи спорт билан шуғулланиш, витамин ва коллагенли чой ичиш ҳамда соғлом овқатланишга риоя қилади.
Кейт Хадсон, 41 ёш
Ташқи кўринишига алоҳида эътибор қаратадиган Кейт ҳатто самолётда ҳам юзига ниқоб қўйишдан уялмайди. Кўп сув ичиб, медитация билан шуғулланадиган юлдуз, психологик ва жисмоний саломатликка алоҳида эътибор қаратади.
Сара Жессика Паркер, 56 ёш
Голливуд юлдузи сочларининг жило сочишига профессионаллар сабабчилиги, ўзи эса махсус косметикадан фойдаланмаслигини маълум қилади.
Найжела Лоусон, 61 ёш
Британиялик журналист қуриган терини йўқотиш учун идиш ювишда ишлатиладиган силикон қўлқопдан фойдаланиш кераклигини билдирган.
Риз Уизерспун, 45 ёш
«Оскар» мукофотининг совриндори эса ёш кўриниши спорт билан шуғулланиши, кўп кўкат ейиши ҳамда қуёшдан ҳимоя қилувчи кремдан фойдаланишда деб билади.
Кейт Мосс, 47 ёш
15 фоиз овоз тўплаган Кейт эса юз териси тиниқ ва шишлардан ҳоли кўриниши учун ажойиб усулдан фойдаланади. Бунинг учун раковинага сув тўлдириб, тўғралган бодрингларни солади, юзини унга тиқиб нафаси етгунича туради.
Тесс Дейли, 51 ёш
Тесс терисини мунтазам равишда тозалаб, намлантириб туради, медитация ва ёга билан шуғулланади. Тонгда тетик уйғониш ва қон айланишини яхшилаш учун эса арқонда сакрашни маслаҳат беради.
Наоми Кэмпбелл, 50 ёш
Супермодель эса кўриниши мукаммал бўлиши учун терининг мунтазам равишда ялтираб тиниқ бўлиб туришини муҳим деб билади.
Виктория Бекҳэм, 46 ёш
Юз массажи муолажасини канда қилмайдиган дизайнер, табиий косметик воситалардан фойдаланишни афзал билади. У терини намлантирувчи воситаларсиз ҳаётини тасаввур қила олмайди.
Ким Кардашьян, 40 ёш
Кимнинг мукаммал кўриниши макияж билан боғлиқ. Бундан ташқари у қуриган терисини янгилаш учун гелга бир қошиқ шакар қўшишни тавсия қилади.
Женнифер Энистон, 52 ёш
Энистон эса музли сувда ювиниш, спорт ва медитация билан шуғулланиш орқали гўзаллигини йўқотмаган. Табиий косметик воситалардан фойдаланадиган актриса қаҳвани кўкатлардан тайёрланадиган шарбатга алмаштирган.
Женнифер Лопес, 51 ёш
38 фоиз овоз билан рейтингда биринчи бўлган актрисанинг гўзаллиги эса зайтун ёғидан фойдаланиш билан ҳам боғлиқ.
Изоҳ (0)