Турк киноси қаҳрамонларининг севгиси кўпинча экранга кўчади, мухлислар эса бундан фақат ва фақат хурсанд бўлади. Аммо, афсуски, ҳамма жуфтлик ҳам ўртасидаги муносабатларни охиригача сақлаб қолишга муваффақ бўлавермайди.
Жансу Дере ва Метин Акдулгер
Туркиянинг энг таниқли актрисалардан бири бўлган Жансу «Шахсият» сериалининг суратга олиш майдонида Метин Акдулгер билан танишган. Жуфтлик орасида самимий муносабат бўлган. Ўртасидаги алоқаларни сир тутишига қарамай, оммага овоза бўлган. Дўстлари ва яқинлари билан вақтини чоғ кечирган актёр ва актриса ҳаммасига нуқта қўйган. Бунга кўпчилик актрисанинг ёши йигитдан 7 ёш катта эканлигини сабаб қилиб кўрсатган.
Берен Саат ва Булент Инал
«Фатмагулнинг айби нима?» сериали юлдузи машҳур турк актёри Булент Иналга ошиқ бўлган. Уч йил давомида бирга яшаганига қарамай, улар ажралган. ОАВда Булент Туба Буюкустунга кўнгил қўйгани ҳақида хабар тарқалган.
Энгин Акюрек ва Тувана Туркай
Мухлислар «Пул ва ишқ» сериалида суратга тушган Энгин ва Тувананинг ҳаётда ҳам қаҳрамонлари сингари бир-бирига кўнгил қўйишини истаган. Аммо актёр суратга олиш жамоасидаги бошқа бир актрисани ёқтириб қолган. Бироз муддат учрашган жуфтликнинг муносабатлари тўйгача бормаган. Улар 2017 йил бошқа-бошқа йўлдан кетишга қарор қилган.
Фара Зейнеп Абдуллаҳ ва Жанер Жиндорук
«Муҳташам юз йил» ва «Кўсем» сериалининг суратга олиш жараёнида яна бир жуфтлик пайдо бўлган. Фара ва Жанер атрофдагилардан муносабатларини яширмаган. Сериал томошабинлари уларнинг тўйи бўлиши ҳақида орзу қилган бир вақтда улар бир-бирига тўғри келмаслигини тушуниб етган.
Алперен Дуймаз ва Буржу Ўзберк
Алперен Дуймаз ва Буржу Ўзберк «Итоатсиз Қоратой» фильмининг суратга олиш жараёнида танишган. Ўртасидаги туйғулар учқуни пайдо бўлганига қарамай, машҳурлар охиригача бормаган. Муносабатларига якун ясаган.
Изоҳ (0)