Голливуд юлдузларининг қамоқхонада олинган суратлари (фото)

Сиз бутун дунё танийдиган киноюлдуз ёки қўшиқчи бўлсангиз ҳам, ноқонуний ҳаракат содир этдингизми, демак, қонун олдида жавоб беришингиз шарт. Голливуд юлдузларининг ҳибсга олингандан кейин, полиция бўлимида олинган фотосуратлари билан танишинг.

Бруно Марс

2010 йилда мусиқачи Лас-Вегасдаги Hard Rock меҳмонхонасидаги номерида кокаин топилганидан кейин ҳибсга олинган. «Ўша пайт мен ёш эдим, бунинг устига Вегасда эдим» — деб ўзини оқлаган у.

Риз Уизерспун

2013 йилда Риз турмуш ўртоғи Жим Тот билан машинада кетаётганида қарама-қарши йўлга чиқиб кетган. Актриса эса полициянинг машинадан тушиш ҳақидаги буйруғига бўйсунмай, жанжал кўтарган.

Жастин Бибер

2014 йилда Бибер Майамидаги кўчалардан бирида пойга пайтида ҳибсга олинган. Ўша пайт у алкоголь ва гиёҳванд моддалар таъсирида бўлган.

Хлои Кардашьян

Кардашьян 2007 йилда маст ҳолда автомобиль бошқаргани учун ҳибсга олинган ва синов муддатини бузгани учун 30 кунлик қамоқ жазосига ҳукм қилинган, аммо қамоқхонада маҳбуслар кўплиги сабаб уч соат панжара ортида ўтирган, холос.

Мэттью МакКонахи

Актёр 1999 йилда қўшнилари шовқиндан шикоят қилгани сабабли ҳибсга олинган. Полиция Мэттьюни ўз уйида яланғоч ҳолда учратган — у барабан чалаётган бўлган, бундан ташқари унинг уйидан марихуана ҳам топилган. «Нима ўз уйимда ҳам барабан чалолмайманми», — деб ғазабланган актёр.

Перис Ҳилтон

Перис бир неча маротаба маст ҳолда транспорт воситасини бошқарган бўлса-да, ҳибсга олинмаган, аммо 2007 йилда у сохта лицензия билан машина ҳайдагани ва синов муддатини бузганлиги учун 45 кунлик қамоқ жазосига ҳукм қилинган. Натижада Перис бир ҳафтага яқин қамоқда бўлган.

Кичик Роберт Дауни

1996 йилда актёр гиёҳвандликдан мажбурий даволанишга юборилган, бироқ бир йилдан сўнг кичик Дауни танадаги гиёҳванд моддаларни аниқлаш бўйича мажбурий тестлардан бирига келмагани сабабли олти ой қамоқда ўтирган.

Маколей Калкин

Актёр гиёҳванд модда сақлагани учун 2004 йилда ҳибсга олинган.

Линдси Лохан

Актриса 2007 йилда у маст ҳолда транспорт воситасини бошқаргани ва гиёҳванд модда сақлагани учун ҳибсга олинган. Натижада бир суткани қамоқда ўтказган.

Шая Лабаф

2017 йилда актёр жамоат жойида маст ҳолда зўравонлик содир этгани учун ҳибсга олинган. У йўлда ўтаётганларнинг ҳеч бири сигарета бермагани учун жанжал кўтарган.

Мишель Родригес

2007 йилда Мишель маст ҳолда транспорт воситасини бошқаргани учун берилган синов муддатини бузгани сабабли 18 кун қамоқда ўтирган.