Президент Шавкат Мирзиёев 13 апрель куни ёшлар масалаларига бағишлаб ўтказилган видеоселектор йиғилишида Савдо-саноат палатаси раҳбари Адҳам Икромов ва бандлик ва меҳнат муносабатлари вазири Нозим Ҳусановга вазиятни ўнглаш учун уч ой муддат берди. Бу ҳақда «Дарё» мухбири хабар бермоқда.
Аввалроқ видеоселектор давомида президент ёшлар билан ишлашни лозим даражада ташкил этмаган, ёшлар жиноятчилигининг олдини олиш бўйича зарур чоралар кўрмаган, ёшлар тадбиркорлигини қўллаб-қувватлашда сусткашликка йўл қўйган бир қатор амалдорлар лавозимидан озод этилишини эълон қилгани ҳақида хабар берилган эди.
Шунингдек, давлат раҳбари Савдо-саноат палатаси (ССП) раиси Адҳам Икромовга тадбиркор ёшлар билан ишлашни тизимли ташкил этмаган учун палатанинг Бухоро ва Сурхондарё вилоятларидаги раҳбарларини лавозимидан бўшатиш ҳақида топшириқ берган.
«Адҳам Икромов, бизнес-омбудсман Қосимов, бандлик ва меҳнат муносабатлари вазири Ҳусанов, Саидқаҳҳор Холхўжаев ва ‘Микрокредитбанк’ раиси Бўтаев қатъий огоҳлантирилиб, уларга вазиятни ўнглаши учун уч ой муддат берилади», — деб таъкидлаган президент Шавкат Мирзиёев.
«Икрамов, Қосимов ‘1+1’ дастури орқали 1 миллион ёшларни қамраб олиб, натижа кўрсатиши шарт. Акс ҳолда лавозимидан олинади», — деди давлат раҳбари.
Изоҳ (0)