Бугун,

  • USD 11095.31
  • RUB 173.84
  • EUR 10772.44

Ўзбекистондаги мавжуд 215 та «Баркамол авлод» болалар марказлари бор-йўғи 175 минг нафар, яъни 3 фоиз ёшларни қамраб олган, холос. Бу ҳақда Президент Шавкат Мирзиёев раислигида ёшлар масалаларига бағишлаб ўтказилган йиғилишда сўз юритилди, дея хабар бермоқда «Дарё» мухбири.

«Ёшларнинг бўш вақтини мазмунли ўтказишга эътиборни янада кучайтириш зарур. Бу борада республика бўйича мавжуд 215 та ‘Баркамол авлод’ болалар марказлари имкониятларидан тўлиқ ва самарали фойдаланиш керак. Бугунги кунда ‘Баркамол авлод’ болалар марказлари бор-йўғи 175 минг нафар (3 фоиз) ёшларни қамраб олган, холос.

Шу боис вилоят, туман ва шаҳар ҳокимлари ўн кун муддатда ‘Баркамол авлод’ марказларида замонавий тўгараклар очиш ва уларнинг ҳар бир мактабда тармоқ филиалларини ташкил этиш орқали қамровни камида 3-5 бараварга ошириш бўйича режасини ишлаб чиқади ва амалга оширади. Республика бўйича камида 500 минг ёшларни қамраб олиш керак.

Шу билан бирга масъул ташкилот раҳбарлари жорий йилда 2 миллион нафар ёшларни таълим муассасаларининг спорт заллари ва майдонларида тўгараклар ҳамда мусобақаларга жалб қилиши керак. Шунингдек, ёзги таътил даврида ёшлар ўртасида маҳаллалар, секторлар ва туманлар миқёсида спорт ҳамда ҳарбий ватанпарварлик мусобақаларини ташкил этишлари зарур. Шу мақсадда, ёшларни спорт, маданият ва санъатга қизиқтириш учун танлов ва мусобақалар кўпайтирилади», – деди давлат раҳбари.

Президент мутасадди ташкилот раҳбарларига вилоят ҳокимлари билан бирга, бир ой муддатда маҳалла, туман, вилоят, республика даражасида танлов ва мусобақалар ўтказиш графигини тасдиқлаш ҳамда кундалик ижросини ташкил қилиш зарурлигини қайд этди.

Изоҳ
Асосий янгиликлар
Спорт
Расман: Domeнико Тедеско — Бельгия терма жамоаси бош мураббийи 
Маҳаллий
Ўзбекистондаги уйлар зилзилага бардошлилигига ким кафолат беради? Қурилиш ва уй-жой коммунал хўжалиги вазирлиги аниқлик киритди
Маданият
“Профессионал раққоса бўлади, деб ўйламаганмиз”. Паризоданинг онаси унинг болаликдаги касаллиги туфайли рақсга бергани ҳақида (видео)