ПСЖ Лига 1 32-тури доирасида 10 апрель куни «Страсбург»га қарши кечган ўйинда (4:1) ғалаба қозонди.
Парижликлар ҳужумчиси Килиан Мбаппе ушбу ўйинда гол урди ва голли узатма муаллифига айланди. Мбаппе Франция чемпионати доирасидаги 19 ўйин давомида ҳам гол, ҳам ассист муаллифига айланди.
Мбаппе ПСЖ сафига ўтган 2017/18 йилги мавсумдан ҳозиргача топ-5 лигаларда фақат Лионель Месси бу кўрсаткич борасида ундан яхшироқ натижа қайд этган. «Барселона» сардори бу давр ичида Ла Лиганинг 21 ўйинида ҳам гол урган, ҳам голли узатма амалга оширган.
22 ёшли футболчи жорий мавсум Франция чемпионатида 27 ўйин ўтказиб, 21 та гол ва 7 та голли узатма қайд этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)