Футбол бўйича Германия Бундеслигасининг 28-туридан ўрин олган бир қатор учрашувлар 10 апрель, шанба куни бўлиб ўтди.
«Бавария» ўз уйида Берлиннинг «Унион» клубини қабул қилди. Учрашувнинг 69-дақиқасида Жамал Мусиала мюнхенликларни олдинга олиб чиққан бўлса, бунга пойтахт жамоаси 86-дақиқада Маркус Ингвартсеннинг голи билан жавоб қайтарди. Қолган вақтда ҳисоб ўзгармади ва Мюнхен клуби очко йўқотди.
«Бавария» 65 очко билан пешқадамликда давом этмоқда ва энг яқин таъқибчисини 5 очкога ортда қолдирмоқда.
Параллел кечган баҳсда «Лейпциг» жамоаси «Вердер» меҳмони бўлди ва йирик ҳисобда зафар қучди. «Буқалар» сафида Александер Сёрлот дубль қайд этган бўлса, Дани Олмо ва Марсель Забитцер бир мартадан рақиб дарвозасини ишғол қилди. Бунга бременликлар битта тўп билан жавоб қайтарди.
Яна бир ўйин «Айнтрахт» ва «Вольфсбург» жамоалари ўртасида кечди. Голларга бой бўлган баҳсда «бургутлар» иродали ғалабага эришди. «Боруссия М» эса 13-дақиқада бир ўйинчи кам бўлиб қолди ва «Ҳерта» билан дуранг ўйнади.
Бундеслига
28-тур баҳслари
10 апрель, шанба
«Бавария» — «Унион Берлин» 1:1
Голлар: 1:0 – 68 Мусиала, 1:1 – 85 Ингвартсен.«Бавария»: Нойер, Сарр, Хави Мартинес, Боатенг (Павар, 66), Станишич, Киммих, Данташ (Скотт, 66), Мусиала (Нянзу, 74), Шупо-Мотинг (Алаба, 58), Мюллер, Коман (Сане, 46).
«Унион Берлин»: Люте, Триммел, Кнохе, Фридрих, Ленс (Рюерсон, 67), Андрих, Премел, Эндо (Гентнер, 80), Крузе (Тойҳерт, 72), Муса (Похьянпало, 72), Бюльтер (Ингвартсен, 67).
Огоҳлантиришлар: Сарр (76), Нянзу (83).
«Вердер» — «Лейпциг» 1:4
Голлар: 0:1 – 23 Олмо, 0:2 – 32 Сёрлот, 0:3 – 41 Сёрлот, 1:3 – 61, пенальти Рашица, 1:4 – 63 Забитцер.«Айнтрахт Ф» — «Вольфсбург» 4:3
Голлар: 0:1 – 6 Баку, 1:1 – 8 Камада, 2:1 – 27 Йович, 2:2 – 46 Вегорст, 3:2 – 54 Андре Сильва, 4:2 – 61 Дурм, 4:3 – 85 Филипп.«Ҳерта» — «Боруссия М» 2:2
Голлар: 1:0 – 23 Аскасибар, 1:1 – 27 Плеа, 1:2 – 38, пенальти Штиндль, 2:2 – 49 Кордоба.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)