Замонавий инсон ҳаётидаги шошқалоқлик ва югур-югурлар кундалик турмушнинг оддий манзарасига айланган. Биз бир вақтнинг ўзида ҳам иш, ҳам рўзғор юмушларига тенг улгуриш, фарзандларга ғамхўрлик қилиш ва ота-оналарга эътиборли бўлиш ҳақида ҳам унутмаслигимиз керак. Қандай режалар тузмайлик, уларнинг бажарилишида энг муҳим асос мустаҳкам саломатликдир! Нафақат ўзимизнинг, балки биз масъул бўлган яқинларимизнинг соғлиғи ҳақида ҳам ўйлаш керак.
Тансиҳатлик – бу инсоннинг энг катта бойлиги. У туфайли барча ишни уддалаш мумкин. Ҳатто замонавий тамаддуннинг энг кучли оҳанрабоси ўзига тортиб турсада, ҳеч қайси ҳузур-ҳаловат саломатликка тенг келолмайди. Биз ҳаётимиздаги исталган йўқотишни енга оламиз, аммо ўзимиз ва яқинларимиз соғлиғига келганда ожиз қоламиз. Сифатли даволаш ва касалликнинг олдини олиш энг қимматли соғлиқни ҳадя этишга қодир.
Hayat Hospital саломатлигининг қадрига етадиган барча учун ноёб имкониятни тақдим этади.
Илғор тиббий ускуналар, тажрибали ходимлар жамоаси ва қулай шароитларни жамлаган ўзига хос мажмуа яратилди. Стационарда ташхислаш, касалликнинг олдини олиш ва сурункали хасталикларни даволаш, жумладан, қандли диабет, юрак ва буйрак етишмовчилиги, инсультдан кейинги тикланиш жараёнида энг замонавий технологиялар қўлланади.
Hayat Hospital мамлакатдаги энг яхши тиббий клиникаларнинг худди шундай таклифлари билан таққослаганда, юқори даражали даволаш ва қулай нарх-навони барқарор сақлаб қолади. Стационарда кўп йиллик тажрибага эга, олий тоифали шифокорлар – энг яхши кардиолог, невропатолог, эндокринолог, уролог ва ўз ишининг малакали мутахассислари фаолият олиб боради. Юқори аниқликдаги тўлақонли ташхислашдан кейин комплекс даволаш режаси шакллантирилади.
Физиотерапия муолажалари қуйидаги замонавий тиббий ускуна ва усуллар ёрдамида олиб борилади: ультра юқори частотали ва ультратовушли терапия, лимфодренаж (пневмомассаж), парафин, дарсонвал, магнит, лазер, умуртқа поғонасини тортиш, ҳижома, озон, вена ичидаги қонни лазер ёрдамида нурлантириш (ВЛОК).
Тажрибали мутахассислар тўртта массаж хонасида хизмат кўрсатади. Ҳар бир хона алоҳида вентиляция тизими билан таъминланган. Беморларга ўзгаларнинг шовқини ва нохуш ҳидлар халал бермайди. Улар бемалол ўзларини хотиржам ҳис этиши ва соғломлаштирувчи муолажалардан баҳраманд бўлиши мумкин. Гидромассаж ванналари, ҳаммом (сауна), Шарко души, циркуляр душ каби сувли муолажалар беморларга учун хизматга тайёр.
Тиғиз кундан кейин бассейнда сузиш ёки Бўзсув анҳори қирғоғи бўйлаб сайр қилиш мумкин. Госпиталдаги яшаш шароитлари худди тўрт юлдузли меҳмонхонаникига ўхшайди. Ҳар бир хонада кондиционер, санузел, музлаткич ва сунъий йўлдошли телевидение, иккита кўп функцияли каравот, шунингдек, бепул, юқори тезликка эга, чекланмаган Wi-Fi бор.
Ўзингизга маъқул ҳароратга қараб, мослашингиз мумкин бўлган иқлим назорати тизими стационардаги ҳаётингизни янада қулайлаштиради. Яшаш учун барча шахсий анжомлар мавжуд: халатдан тортиб соч қуритадиган фенгача. Хоналар ҳар куни икки марта тозаланади. Зарур бўлса, махсус тугмача ёрдамида тиббиёт ҳамширасини чақириш мумкин.
Стационар ошхонасида пазанда ошпазлар томонидан ресторанча усулда тайёрланган мазали парҳез таомларни тановул қилиш имкони бор. Hayat Hospital стационарида ташхисга мослаб танланган 5 марталик мувозанатланган овқатланиш тартиби йўлга қўйилган.
Даволовчи жисмоний тарбия зали беморлар ихтиёрида. Ҳар куни тонг мўътадил жисмоний машғулотлар билан бошланади. Барча машқлар беморнинг ёши, касаллиги ва жисмоний ҳолатига қараб индивидуал танланади. Тажрибали мутахассис назоратидаги машғулотлар соғайиш жараёнини тезлатади.
Hayat Hospital сизни экскурсияга таклиф этади. Стационарда юқори сифатли яшаш ва даволаниш шароитини ўз кўзингиз билан кўриб, ишонч ҳосил қилишингиз мумкин. Қисқа беш кунлик ёки тўлиқ ўн кунлик даволаниш курсини танлашингиз мумкин.
Бепул экскурсияга ёзилиш учун телефон рақамлари: +99871 209 88 66, +99871 200 88 66
Эртанги кунга ишонч билан қадам ташлаш учун бугундан соғлиғингиз ҳақида қайғуринг!
Реклама ҳуқуқи асосида.
Изоҳ (0)