Коронавируснинг атом тузилишини ўрганаётган олимлар вируснинг асосий ферментларидан бирини рентгенограмма қилди. Бу ҳақда АҚШнинг Аргон миллий лабораторияси хабар берди.
Британия Колумбияси университетидан (UBC) олимлар жамоаси кристалланган шаклдаги SARS-CoV-2 оқсилларини ўрганиш учун мукаммал рентген нурлари ёрдамида биринчи марта вируснинг асосий протеазини — вируснинг кўпайиши ва бошқа инсон ҳужайраларига юқиши учун керак бўлган катта оқсиллар кесишишига имкон берувчи ферментини кузатди.
АҚШнинг Энергетика вазирлиги қошидаги Аргон миллий лабораториясида фотонларнинг мукаммал манбаси (APS) сабабли бундай натижага эришилди.
APS шифокорлар томонидан фойдаланиладиган рентгендан миллиард баробар кучли нур ишлаб чиқаради, бу эса тадқиқотчиларга коронавируснинг протеазларини атом даражасидаги энг майда унсурларигача ўрганишга имкон беради.
Олимларнинг фикрига кўра, янги маълумотлар протеазни ва, шу билан бирга, вируснинг кўпайишини блоклайдиган паст молекуляр воситаларни танлашга имкон беради.
Маълумот учун, ўтган бир ҳафта ичида бутун дунёда коронавирусга чалиниш бўйича 4 миллионтадан ортиқ янги ҳолат аниқланди. ЖССТ қайд этишича, бу ундан олдинги бир ҳафталик кўрсаткичга нисбатан 5 фоизга кўпдир. Вирусдан ўлим ҳолатлари эса сўнгги етти кунда 11 фоизга кўпайиб, 71 мингтага етди.
Мавзуга доир:
- Коронавирусдан тузалган ҳар учта бемордан бири руҳий бузилишлардан азият чекмоқда — олимлар
- Эронда бир кунда 14 мингга яқин одам коронавирусга чалинди. Бу охирги тўрт ой ичидаги кунлик антирекорд
- Жанубий Кореяда коронавируснинг тўртинчи тўлқини кутилмоқда, Ҳиндистонда ва Хитойда касалланиш рекорд даражада ўсди
Изоҳ (0)