Сўнгги пайтларда аксарият аёллар орасида сочларни кератин билан текислаш ҳақида кўп гапирилмоқда. Хўш, процедуранинг сочлар учун қандай фойдали томонлари бор? Ўзи бу муолажадан барча фойдаланиши мумкинми? Унинг сочларга қандай салбий таъсири бор ва, энг муҳими, ундан фойдаланиш нархи қанча?
Бу ҳақда «Дарё»га соч кератини бўйича мутахассис Иброҳим Ҳамдамов батафсил маълумот бериб ўтди.
Соч кератини нима?
Кератин муолажаси сочларни силлиқлаштирувчи ва текисловчи хусусиятга эга бўлиб, сочи жингалак, чигал, тарашга қийналадиган қизлар учун жуда фойдали ҳисобланади.Сочлари текис аёллар учун эса биокератин (сочларни фойдали витаминлар билан тўйинтириб, жилолантирувчи) процедура қўлланилади.
Муолажани кимларга қўллаш мумкин эмас?
Соч кератини муолажасидан ҳамма ҳам фойдалана олмайди. Чунки аёлларнинг сочи, тузилиши ва улардаги модда алмашинуви бир хил эмас. Мен ҳар бир келган мижоз билан биринчи навбатда савол-жавоб қиламан ва сочининг тузилиши, ҳолатига қарайман. Агар мижознинг сочи жуда ҳам куйиб кетган, нимжон бўлса, ундайларга тавсия қила олмайман. Сабаби куйган сочлар жонсиз, ўлик толалар ҳисобланади. Уларга кератин эмас, балки спа процедуралари тавсия қилинади.Спа процедура асосан, жонсиз, куйган, жилосини йўқотган, гуллаган сочлар учун қилинади. Натижада сочларга жон кириб, ҳолати тикланади. Бу муолажа фақат мастерлар томонидан қилинади.
Кератинлаш жараёни ҳақида
Кератин процедураси уч босқичда амалга оширилади.- Дастлаб соч тешикча (пора)ларини очиб берувчи шампунь билан ювилади.
- Ювилган сочга кератин креми суртилади.
- Сочлар дазмолнинг паст ҳарорати билан тортиб чиқилади.
Кератиннинг соч учун зарарли таъсирлари борми?
Кератин процедурасининг салбий таъсири йўқ. Фақат мижозлар мазкур муолажадан фойдалангандан сўнг ўзининг махсус шампунь ва бальзамларидан фойдаланиши лозим. Сабаби биз тавсия қилган маҳсулотнинг кўчадаги шампунлардан фарқи — улар сулфатсиз бўлади. Аниқроқ айтадиган бўлсам, махсус шампунлар сочнинг тешикчаларини ёпади ва процедуранинг сочда кўпроқ туришига хизмат қилади.Шундай мижозлар бўлади, муолажадан сўнг сочига тўғри келмайдиган шампунь ёки кондиционердан фойдаланади. Бу оқибатда сочнинг янада куйиб, синишига, ҳатто тўкилишигача олиб келади.
Яна бир гап, мен тавсия қилган махсус шампунь ва ниқобларни кўчадан топиш муаммо. Иложи борича, муолажа қилинган салондан олган маъқул.
Муолажанинг нархи ва сочда туриш муддати қанча?
Кератин процедурасидан сўнг сочларнинг текислиги 3 ойдан 6 ойгача сақланиб туради. Соч ўсганидан сўнг янги чиққан толаларини ҳам қилиш мумкин. Бу, албатта, мижознинг хоҳишига қараб.Яна бир факт: бир марта муолажадан фойдаланган аёл уни такрор қўллашга мажбур бўлиб қолмайди.
Ҳозирги кунда Тошкентдаги салонларда кератин процедураси сочнинг узунлиги ва қалинлигига қараб 500 минг сўмдан 2 миллион сўмгача қилинади.
Мақола Restyle beauty салони билан ҳамкорликда тайёрланди.
Мавзуга доир:
Изоҳ (0)