ZoodMall компанияси Тошкентда майдони 1400 квадрат метр бўлган янги офисини очди ва Ўзбекистонда қўшимча 100 нафар ходимни ишга олган ҳолда ўз тармоғини кенгайтирмоқда.
Zoodmall.uz — Марказий Осиёда энг тез суръатларда ривожланиб бораётган, харидлар учун мўлжалланган мобил иловаси ўз тармоғининг кенгайишини маълум қилди. У Ўзбекистон фуқаролари учун қўшимча 100 нафар иш ўринларини таклиф қилмоқда. Шунингдек, компания ўз офисини 1400 квадрат метргача кенгайтирмоқда. Янги ходимларнинг асосий вазифаси «Рақамли Ўзбекистон-2030» ривожланиш стратегиясида фаол иштирок этган ҳолда, маҳаллий сотувчилар учун локал ва глобай бозорларда онлайн сотувлар улушини оширишдан иборат.
ZoodMall ўз фаолиятини 2018 йилда бошлаган бўлиб, Ўзбекистондаги мижозларга 30 000 нафар маҳаллий ва хорижий чакана сотувчилардан 6 миллион дона маҳсулотни ZoodPay «Ҳозир харид қил, кейин тўла» ёки маҳсулотни олганда нақд тўлов усуллари билан харид қилиш имкониятини беради. ZoodMall’да Ўзбекистон, Хитой ва Туркиядан маҳсулотлар ҳамёнбоп нархларда тақдим этилган. Онлайн дўкондан арзон ва сифатли электроника жиҳозлари, смартфонлар, кийим-кечак, аксессуарлар, гўзаллик, уй ва боғлар учун маҳсулотлар, болалар ўйинчоқлари, шунингдек, маҳаллий бренд маҳсулотларини топиш мумкин.
Ҳозирги кунда компания Texnomart, Makro, Radius, Elmakon каби Ўзбекистоннинг етакчи чакана савдо тармоқлари билан ҳамкорлик қилади ва бу маҳаллий электрон тижорат бозоридаги онлайн савдода катта муваффақиятга эришган сотувчиларнинг баъзилари, холос. Компания ходимлари сони ортиб бориши билан ZoodMall’да ўз маҳсулотлари билан савдо қилувчи чакана сотувчилар сони ортиб бориши кутилмоқда.
«Биз иқтисодни рақамлаштириш бўйича ташаббусларимиз, хусусан, ZoodMall рақамли экотизимини истеъмолчиларга ҳам, сотувчиларга ҳам тақдим этиш орқали «Рақамли Ўзбекистон-2030» ривожланиш стратегиясида иштирок этишдан ниҳоятда манфаатдормиз. Рақамли шерик сифатида биз электрон тижоратни ривожлантирган ва Ўзбекистоннинг лаёқатли аҳолиси учун юзлаб иш ўринларини яратган ҳолда мамлакатнинг келажакдаги ижтимоий, иқтисодий тараққиётининг тарафдоримиз», — дейди ZoodMall Uzbekistan бош директори Аскарбек Алшанбаев.
ZoodMall платформасида ўзбекистонлик сотувчилар ва ишлаб чиқарувчилар ўз маҳсулотларини жойлаштириши ва ривожлантириши, «Ҳозир харид қил, кейин тўла» муддатли тўлов усули орқали кўпроқ потенциал мижозларни жалб қилиши мумкин.
ZoodMall савдо майдонидан Қозоғистон, Ироқ, Иордания, Кувайт, Ливан ва Саудия Арабистони каби давлатлардан етти миллиондан зиёд истеъмолчилар фойдаланишини инобатга олган ҳолда, ZoodMall 2021 йил якунларида ўзбек сотувчилари ва ишлаб чиқарувчиларига маҳсулотларини Марказий Осиё ва Яқин Шарқнинг бошқа бозорларида сотиш имкониятини яратади.
Play Store ва App Store’да мавжуд харидлар учун ZoodMall иловаси айни дамда мобил девайсларнинг барча асосий брендларини таклиф қилган ҳолда смартфон ва мобил қурилмалар савдоси билан бирга, ўзбекистонлик фойдаланувчилар учун электрон тижорат бўйича биринчи рақамли бўлишга интилмоқда.
Агар сиз ZoodMall’да карьеравий ўсиш имкониятларини излаётган бўлсангиз, orientswiss.recruitee.com’да мурожаатнома қолдиринг.
Реклама ҳуқуқи асосида.
Изоҳ (0)