NASA космик агентлиги Марсдаги музли қумтепаликларининг суратлари билан бўлишди. Суратдаги оқ доғлар — бу эриган муз, деб хабар беради Hi-Tech.Mail.ru.
Марснинг шимолий текисликларида жойлашган қумтепаликларида бир-бирини такрорловчи ёки кетма-кетликка риоя қилувчи тасвирлар йўқ, қум тўлқинлари тартибсиз жойлашган, айрим ҳудудларда кратерлар мавжуд.
NASA’нинг ёзишича, муз секин-аста эриб бормоқда, бу эса йил фасллари ўзгараётганини билдиради. Марсда мавсумлар худди Ердагидек ўтади — ҳозир у ерда ҳам баҳор. Бироқ у ердаги муз ҳақиқий эмас, балки сублимацияланган. Яъни, унинг таркибини сув эмас, қуруқ муз деб аталувчи углерод диоксиди ташкил этади.
Аввалроқ NASA бунга қадар уларни фақат олимлар кўра олган янги космик суратларни эълон қилганди.
Изоҳ (0)