Юлдуз Усмонованинг продюсери, турмуш ўртоғи Мансур Агалиев «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Мансур Агалиев суҳбат давомида Юлдуз Усмонова билан Туркияда яшаган вақтларидаги қийинчиликлар ҳақида сўзлаб берди.
Иқтисодий муаммолар бўлган, ҳеч баломиз қолмаган. Жуда қийин пайтлар бўлган. Туркияга борганимизда 20 кунча меҳмонхонада яшаганмиз. Кейин менежерга пул бериш керак, унга пул бериш керак, бунга пул бериш керак, хуллас, пул тугади.Дўконларимдан у ерга ҳар куни пул борарди. Бир муаммо сабаб Тошкентдаги 12 та дўконимни босишган. Кейин Туркия бозоридан Россияга яна бошқа жойларга мол жўнатиб тирикчилик қилганман. Катта қийинчиликлардан чиққанмиз. Жуда катта сумма кетган.
Туркияни санъат билан олиш жуда катта масала. Юлдуз Усмоновани Туркияда қўшиқларини жуда кўп одам биларди. Мисол учун, «Дунёда ўлимдан бошқаси ёлғон» деган қўшиқни айтган десак, бўлди, кўпчилик танирди, лекин ўзини кўришмаган.
Аввало ўзи айтган қўшиқларини туркчага ўзгартириб, шу билан танитиб олдик. Туркияда катта-катта телеканалларнинг хит парадида уч ойлаб биринчи ўринда турдик. Катта-катта санъаткорлар Юлдуз Усмоновани кўриб, қўшиқлар беришини илтимос қилишарди.
Юлдуз Усмонова Туркияда жуда катта, яхши натижаларга чиқиб, у ерда шу даражамизни сақлаб, кейин чекинганмиз. Сабаби у ерда шу даражасини сақлаб қолиши керак эди. Бир пайтлар Юлдуз Туркия шоу-бизнесида бор эди эмас, у бор, деган фикр билан қайтганмиз.
Мансур Агалиев, Юлдуз Усмонованинг продюсери, турмуш ўртоғи
Изоҳ (0)