Қарши шаҳрида 20 март куни ташкил этилган Наврўз умумхалқ сайлида Қашқадарё вилояти ҳокими Зоир Мирзаев Ғилон қишлоғидан бўлган рассомнинг асарларини сотишга ёрдам берди.
Қашқадарёга оид воқеалар ёритиб бориладиган Telegram каналда тақдим этилган видеода вилоят ҳокимининг фото асарларни атрофдагиларга кўрсатаётгани кўриш мумкин.
«Рассом амакини ҳам тожик тилида ‘Дасти бобои ҳоким сабук омад’ (Менимча, ҳоким бобонинг қўли енгил келди, дегани) деб ҳамроҳларига жилмайиши, мамнунлиги байрам кўргазмасига келиб, пул ишлаб кетиши хаёлига ҳам келмаганидан дарак эди», — деган вилоят ҳокимлиги ахборот хизмати раҳбари Аҳрор Содиқов.
Эслатиб ўтамиз, коронавирус пандемиясини инобатга олган ҳолда Ўзбекистонда Наврўз умумхалқ байрами тадбирлари карантин қоидаларига амал қилган ҳолда маҳаллаларда ташкил этилади.
Изоҳ (0)