Наманган шаҳрида Наврўз айёмига бағишланган мотопарад бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Мотопарад Наманган халқаро аэропорти ҳудудидан бошланди.
Унинг иштирокчилари шаҳарнинг марказий кўчаларини босиб ўтиб, Бобур номли маданият ва истироҳат боғига етиб келишди.
Байрамона парадда Намангандан ташқари, Тошкент, Андижон ва Қўқондан келган мотоҳаваскорлар иштирок этди.
Ташкилотчиларга кўра, бугунги тадбирда 80 дан ортиқ мопед ва мотоцикл саф тортди.
Уларнинг эгалари Наманганда ўтказилаётган Наврўз байрами тадбирларида қатнашмоқда.
