Чилининг Тируа муниципалитетида олти ойлик гўдак хатолик туфайли коронавирусга қарши вакцина билан эмланди. Воқеа чақалоқнинг онаси миллий эмлаш дастурига мувофиқ вакцинация қилиш учун олиб келган Соғлом оила марказида содир бўлди. Бу ҳақда «Korrespondent.net» хабар берди.
Тиббиёт ходимлари гўдакни адашиб Хитойнинг Sinovac компаниясига тегишли коронавирус вакцинаси билан эмланган.
Ходимларнинг бепарволиги маълум бўлганидан кейин гўдак дарҳол шифокорлар назоратига олинди. Гўдакда ножўя таъсирлар кузатилмаган.
«Биз кун давомида назорат остида бўлган боланинг соғлиғидан жуда хавотирдамиз... Жабрланганлардан яна бир бор узр сўраймиз», — деди тиббиёт муассасасининг директори ва бу ҳодисадан кейин суриштирув бошланганини қўшимча қилган.
Аввалроқ АҚШда қонида коронавирусдан ҳимояловчи антитана мавжуд бўлган чақалоқ дунёга келгани ҳақида хабар берилди. Флорида штатининг Бока-Ратон шаҳри педиатрлари Пол Гильберт ва Чед Рудникнинг айтишича, боланинг онаси, тиббиёт ходими бўлган аёл январь ойида ҳомиладорликнинг 36-ҳафтасида Moderna вакцинаси билан эмланган. Уч ҳафта ўтиб эса аёл тетик ва соғлом қизалоқни дунёга келтирди.
Шунингдек, АҚШнинг Moderna компанияси ўзининг mRNA-1273 вакцинасини олти ойликдан 12 ёшгача бўлган болаларда синовини бошлади. Синов жараёнида, тахминан, АҚШ ва Канададан 6750 нафар бола қатнашиши режалаштирилган.
Изоҳ (0)