Bugungi qahramonlar Rossiyaning kichik shaharlarida dunyoda kelgan bo‘lsa-da, ammo bu ularning dunyoga tanilishida to‘sqinlik qilmagan. Xo‘sh, g‘arbda muvaffaqiyat qozongan modellar dastlab qanday ko‘rinishda bo‘lgan?
Irina Sheyk
Dunyoda eng ko‘p maosh oladigan modellardan birining haqiqiy ismi − Irina Shayxlislomova. Ha, Chelyabinsk viloyatining Emanjelinsk shahrida Sheyk familiyasi deyarli uchramaydi. Go‘zallik tanlovlarining birida ushbu modelga Giya Jikidze e’tibor qaratmaganida, u o‘qituvchi onasining izidan yurishi tayin edi. Aynan shu sababli Irina modellar olamiga kirib kelgan. Bugungi kunda Irina haqli ravishda jurnallarning muqovalarini bezaydi va u bilan ishlash niyatida bo‘lgan dizaynerlar navbatda turadi.
Natalya Vodyanova
Giya Jikidze nafaqat Irinaning, balki Natalyaning ham hayotida katta burilish yasadi. Qisqa muddat ichida novgorodlik kambag‘al qiz hayoti tubdan o‘zgardi. 11 yoshida Natalya onasi Larisaga sabzavot va mevalarni sotishda yordam berish uchun maktabni tark etgan. Uning oilasi og‘ir miya falaji bilan tug‘ilgan kenja qizi Oksanani davolatish uchun pulga muhtoj edi. Tengdoshlari esa qashshoqligi uchun bo‘lajak yulduzni masxara qilar edi. Ammo bu kabi dilxiraliklarga qaramay, Natalya irodali bo‘lishga harakat qildi va modellik karyerasini qurdi. U bozordagi sotuvchi qizdan dunyoga taniqli yulduzga aylanishga erishdi. O‘zining g‘ayrioddiy qiyofasi hamda ajoyib iste’dodi tufayli Natalya − “eng yuqori yulduz” maqomiga ham erishdi.
Sasha Luss
Aleksandra Luss Magadanda shifokorlar oilasida tug‘ilgan. Bolaligidanoq uning oilasi Sashaga tibbiyotga oid kitoblarni o‘qitgan, shuningdek, kelajakda uning shifokor bo‘lishini xohlagan. Biroq u ota-onasi istagan kasbni tanlamadi va 15 yoshida modellik agentligiga murojaat qilgan. Uning ilk namoyishi 2007-yilda bo‘lib o‘tgan. Shundan so‘ng model boshqalarning ham nazariga tushib, dunyodagi eng taniqli modellarning biriga aylangan.
Natasha Poli
Natalya Polevshikova 1985-yil Permda dunyoga kelgan. 2000-yilda 15 yashar Natasha modellar tanlovida ishtirok etish uchun Moskvaga jo‘nab ketgan. Tanlovda u ikkinchi o‘rinni egallagan bo‘lsa-da, ko‘plab dizaynerlar e’tiboriga tushgan. 18 yoshida unga Milandagi nufuzli modellik agenti bilan shartnoma tuzishni taklif qilishdi. Shundan so‘ng u birin-ketin eng mashhur brendlarning yuziga aylandi.
Anna Viyalitsina
Annaning ham ota-onasi shifokor bo‘lgan. 15 yoshida Anna shifokor bo‘la olmasligini tushunib yetgan. Shundan so‘ng u Sankt-Peterburgga jo‘nab ketgan. Uni modellik agentlari kastingda sinab ko‘rgan, ammo u u sinovdan o‘ta olmagan. Shunday bo‘lsa-da, u ko‘plab yutuqlarga erishdi. U IMG New York − dunyoning eng yirik modellik agentligi bilan shartnoma tuzishga muvaffaq bo‘ldi.
Vlada Roslyakova
Vladaning oilasi haqida ma’lumotlar juda kam. U Omskda tug‘ilgan. Vladaning modellik faoliyati Rossiyada boshlangan, keyinchalik Tokio va Nyu-Yorkda davom etgan. Ayni vaqtda u eng mashhurlar bilan birgalikda, dunyodagi eng taniqli 30 ta model orasidan joy olgan.
Izoh (0)