«Манчестер Сити» Чемпионлар Лигаси 1/8 финал жавоб баҳси доирасида кечган «Боруссия М»га қарши ўйинда 2:0 ҳисобида ғалаба қозонди.
Кевин де Брюйне томонидан киритилган тўп «Манчестер Сити» учун 2020/21 йилги мавсумда барча мусобақалардаги 100-гол бўлди. Шу тариқа Хосеп Гвардиола қўл остидаги жамоа кетма-кет 12-мавсумда 100+ гол уришга муваффақ бўлди.
Қайд этиш жоиз, Гвардиола олий дивизион жамоаларини бошқаришни бошлаган 2008 йилдан ҳозиргача ҳар бир мавсумда унинг жамоалари юзта ва ундан ортиқ гол урмоқда (мутахассис ишламаган 2012/13 йилги мавсумдан ташқари).
Бу вақт давомида унинг жамоалари 686 ўйин ўтказиб, 1718 та гол урди. Мутахассис «Сити»дан аввал «Барселона» ва «Бавария»да фаолият юритган.
Мавзуга доир: Хосеп Гвардиола Чемпионлар Лигасидаги ғалабалар сони бўйича Жозе Моуриньони ортда қолдирди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)