Олимлар нур таратувчи толалар ёрдамида дисплей-мато яратди

Хитой, Германия, АҚШ ва Австралиядан бўлган бир гуруҳ муҳандислар ўзларининг янги ихтироси — намликдан, деформация ва чўзилишдан «қўрқмайдиган» ёруғлик тарқатувчи толадан тайёрланган матони тақдим этди, деб ёзади Glamour.

Ихтиронинг ўз муқобилларидан яна бир муҳим фарқи — матонинг бутун юзаси эмас, балки алоҳида пикселлари нур таратади. Яъни бу турдаги матодан «ақлли» кийимлар учун дисплей сифатида фойдаланиш мумкин. Олимлар куртка енгини шу каби навигаторга айлантириб, буни намойиш этган.

Таъкидланишича, гап ечиладиган электроника ёки ёруғлик тарқатувчи элементлар ҳақида эмас, балки айнан смартфон орқали узатилаётган алгоритмларни танлаш хусусиятига эга матонинг ўзи ҳақида гап кетмоқда.

Ўз эгаси ёки атроф-муҳит билан алоқа ўрнатишга қодир «ақлли» кийим концепцияси олимлар ва дизайнерлар ўртасида жуда машҳур. Тадқиқотчиларнинг тахминича, «ақлли» кийим электроника воситаларини ишлаб чиқаришни қисқартиришга имкон беради, мода брендлари эса жисмоний буюмлар ишлаб чиқарилишини тежашга умид қилмоқда.

Аввалроқ швейцариялик олимлар антивирус жинсиларни яратгани тўғрисида хабар берилганди.